- وغير كذا ابي خريطه مفصله لكل منطقه اذا كانت موجوده
بسم الله الرحمن الرحيم
يا اعضاء المنتدى الكرام انا ان شاء الله مسافر في 19 /4 / 1429 ه
راح تكون مدة الرحله ثلاث اسابيع يعني 20 يوم
وانا وخويي اول مره نسافر لبلاد اللاندومي وعندنا كم منطقه نبي نروحله مع العلم ان المبلغ تقريباً 16 الف ريال سعودي
المناطق الي نبي نروح له هي من المطار علطول للجبل احتمال يكون مكان السكن طول الرحله في بنشاك
اذا هو مناسب ولا تشوفن لنا مكان بالجبل احسن منه انتظر مشورتكم وغير الجبل فيه بالي وباندق واخر الايام في جاكرتا
والي انا ابي منكم اذا ما عليكم امر هو :الجدول المناسب لهذه المناطق وياليت مع تحديد الايام لكل منطقه كم تاخذ منا من يوم علشان نفره كله
وغير كذا ابي خريطه مفصله لكل منطقه اذا كانت موجوده
ابي تحددون لي المسافات بين المناطق لاني راح اسكن في الجبل طول جلستي هناك علشان كذا ابي اشوف المسافات بين المناطق واقدر اروح له عن طريق السياره او وش الحل اذا كنت اقدر اروح له بالسياره ابي المسافه بالوقت والكيلو لكل المناطق الي ذكرت
واشوف بعض الاعضاء يذكر باندق ضمن الجبل والبعض يقول بعيده عن الجبل مسافه ساعتين بالسياره ما ادري وش الصحيح من الاثنين الي قلت
بالنسبه للصرف اخذ معي ريالات واحولها هناك روبيه او اشيل معي دولارت مع اني شفت مشاكل للي معه دولارت معفطه او قديمه ولا ابي اعكر روحتي بخرابيط زي كذا
واذا ما عليكم امر ابي احد يقول لي اسامي المناطق من اول الجبل الى اخره
وتراني فريت المنتدى فوق تحت علشان كذا ابي المواضيع الي قلت هنا ومن كثر ما فريت ما حصلت الي ابي ابي تفصيل ممل وهنا اذا ما عليكم امر يا رواد بلاد الاندومي
شاكرين حسن تعاونكم
ننتظر ردكم يا غالين او لا يكون ثقلنا عليكم بالاسئلة