1. بداية أسأل الله التوفيق للجميع


2. 1- مؤشر مستوى الجريمة


3. 2- معلومات عن الطقس في الصيف والشتاء


4. هذا غير معلومات كثيرة عن أهم الجامعات والجرائد والشركات الكبرى...

اخوتي واخواتي المتقدمين بطلبات للابتعاث للولايات المتحدة الأمريكية

بداية أسأل الله التوفيق للجميع

كثير منا محتار في التقديم لاي جامعة....لكن مهم جدا ان اختيارك يكون صحيح من جميع النواحي... مو بس الناحية العلمية أو سهولة القبول
طبعا كلنا نعرف ان مكافأة المبتعث تظل محدودة...وعشان كذا مهم انك تخار جامعة في ولاية ومدينة ما يكون تكلفة المعيشة فيها مرهقة لميزانيتك....والتفاوت في أمريكا كبير جدا....يعني لو نتكلم عن ايجار شقة ممكن يتفاوت بين 350$ في ولاية زي اوكلاهوما وبين 1800$ أو أكثر في كاليفورنيا مثلا....والمبلغ هذا شهري غير مصاريف الأثاث والخدمات بالاضافة الى تكاليف المعيشة نفسها اللي في بينها تفاوت كبير!!
عشان كذا أنصح أي شخص قبل لا يراسل الجامعة انه يدخل الموقع هذا http://www.homefair.com/homefair/servlet/ActionServlet?pid=500&homefair&to=ActionServlet%3Fdg%3Dhc%26pid%3D162%26cid%3Dhomefair&pagename=27&internal=T&partner=homefair
وراح يقدر يحصل على تقرير عن أي مدينة يبيها مع معلومات مهمة جدا مثل :

1- مؤشر مستوى الجريمة

2- معلومات عن الطقس في الصيف والشتاء

3- مؤشر تكلفة المعيشة : وهذا من أهم المؤشرات وهو عبارة عن نسبة مئوية تقرأ كالاتي....متوسط تكلفة المعيشة في أمريكا ككل هو 100% وأي مدينة ترتفع عن هذا المعدل يكون تكلفة المعيشة فيها أعلى من المتوسط....وفي حال كان أقل من 100% فمعناها ان تكلفة المعيشة أقل من المتوسط....
ملاحظة: في بعض المدن وبالذات في ولاية كاليفورنيا يصل المؤشر الى أكثر من 250%!!
4- الضرائب: والضريبة تتفاوت من ولاية لاخرى
5- متوسط التكلفة الشهرية لايجار شقة مكونة من غرفتين: وهذا يعطي مؤشر ممتاز لان الايجار يعتبر من اهم المصاريف بالنسبة للمبتعث

هذا غير معلومات كثيرة عن أهم الجامعات والجرائد والشركات الكبرى...

الموقع فعلا فادني....واتوقع انه يفيدكم انتم بعد....واتوقع افضل طريقة للحصول على قبول هي انك تبدأ باختيار مجموعة من الجامعات بناء على مستواها العلمي او سهولة القبول فيها (حسب رغبتك ) وبعد كذا تدخل على مواقع الجامعات وتعرف تقع في اي مدينة في اي ولاية وتحصل من هذا الموقع على تقرير المدينة اللي فيها الجامعة....ومن خلال مؤشرات تكلفة المعيشة وتكلفة الايجار وغيرها حسب اهمية كل مؤشر لك تقدر تستثني بعض الجامعات وتركز على بعضها
والله يوفق الجميع