om.Hadi
اهلين ام هادي
من تجربتي بالهيلتون والفور سيزونز انا اشوف ان الفور سيزونز افضل بالنسبه لك
احنا اخذنا hilltop ocean view villa مع مسبح خاص
من ناحية الشاطيء وحلاوته الفور سيزونز طبعا الهيلتون مافيه شاطيء مجرد صخور فقط والغرفه برضو ماحبيتها
لكن انا اقترح عليك انك تاخذين سويت بالميريديان فيشرمانز كوف بشاطي الباو فالون سعره نفس سعر الفيلا تبع الفور سيزونز
والشاطيء تبعها احلى وامتع لكنه عام مو خاص لنزلاءا لفندق
والوناسه الميريديان كان اونس كثير واستمتعت فيه اكثر من الفور سيزونز وبعد فيه حاجه حابه انبهك فيها
فلل الفور سيزونز مليان بريعصيه لونها بني تطلع بالليل وتتحرك كثير وتطلع اصوات وتعمل قلق اذا انتي عندك فوبيا من البريعصيه انتهي من اللحين اقولك
الميريديان ماشفت فيه نهائي واكرر لا تاخذين غرفه عاديه حاولي تاخذين سويت مطلع على الشاطي لكن مو مطله بشكل مباشر في درج تنزلين منه للشاطي على طول
واكلهم لذيذ جدا بوفيه يومي فطور وعشاء وجلساتها تاخذ العقل وبامكانك تطلعين بنفسك على صور الاوتيل وتحكمين

ام جود2007
اشكرك يام جود على الرد
لكن حيرتيني زياده
طيب دامك جربتي الاثنين
ايش سويتي فالفورسيزن اكتفيتيز
والهيلتون فيه اكتفيتي وسبا وأي غرفه اخذتي
الميريديان شفته احسه active وكانه شاليهات يعني الفورسيزن والهيلتون فيهم طابع الجزر والريلاكسيشن وبرايفسي
أنا ابي الهدوء والخصوصيه وزوجي يبي البحر والصيد
اسفه طولت عليك بس جد محتاره
أنا ميزانيتي في حدود 3500 يورو سكن وصرف اذا امكن *

ام هادي
الهيلتون ماني فاكره لانها كانت بسنة 2008 والغرفه كانت عاديه وكاتمه وبالليل اذكر اني لاحظت بريعصيه تتمشى على الجدار والسقوف وموقعها نفس موقع الميرديان فيشرمانز كوف
لكن الفور سيزونز من قريب من يجي سنه اخذنا فيها
بصراحه احنا مالنا بالصيد والغوص مع انهم يعرضون علينا لكننا نمتنع صراحة
السبا ماجربته لكن طلعت له عشان اقص شعري هو باعلى وقمة منتجع الفور سيزونز
وكثير يشتغلون هناك مصريين بالريسبشن والباغي والمطعم فيه اثنين شيف مصري ومغربي احمد وحسن
وفيه بوفيه عربي كل يوم ثلاثاء والبوفيه بالفور سيزونز مش يومي مرتين بالاسبوع فقط
يوم السبت بوفيه كريولي
وايش بعد تبين تعرفين عن الفور سيزونز وبس
لكن عن نفسي انا انبسطت اكثر بالمريديان ولو تاخذون سويت عن جد تنبسطون
واذا حابه ارشح لك منتجع ثاني بجزيره ثانيه فيه لابريز سعره مقارب للفور سيزونز فلل مطله على الشاطيء بجزيره سلويت تبعد ثلث ساعه عن جزيره ماهي بالقارب السريع
السبا عندهم روعه لكن وسط اشجار وبين الصخور
حاليا تغير وصار لابريز هيلتون ويقولون انه صار افضل واكثر جوده عن اول وهو على فكره ارخص المنتجعات الخمس نجوم الموجوده بالجزر الخاصه واحلى شي ان غرفها نظيفه مره وخاليه من الوزغ البريعصي
و3500 يورو يعني تقريبا 35 الف ريال اتوقع راح تحصلون بكج في هالمبلغ لمدة 5 ايام

ام جود جزاك الله خير على مساعدتك والله فدتيني كثير
والابريز هذا اللي اقصد به الهيلتون اسمه هيلتون سيشل لابريز هوتيل اند سبا
وفعلن بيعطونا البيج فرونت بول فيلا ب2670 يورو لثلاث ايام
والفورسيزن الهيل توب أوشن فيلا ب3511 يورو لثلاث ايام
واتصلت للفندقين وسالت عن نشاطاتهم وطلع أثنينهم فيهم كل الي نبغاه
شكلي بتوكل على الله وبحجز في الهلتون لابريز

om.hadi
والله لو من اول كنت تقصدين لابريز هيلتون كان فضلته عنهم كلهم
لاني افتكرتك تقصدين هيلتون تبع جزيرة ماهي !! عشان كذا انا استبعدته
لابريز جزيره كامله تخيلي وفيها ملعب تنس وسبا وجاكوزي وسونا لكن مشترك رجال حريم المساج ماجربته
وحاولي انك تلفين وتروحين للمحميه تبعهم نسيت اسمها وتشوفين كنسية اسرة دوبان اول عائله سكنت الجزيره
وعلى فكره البوفيه الرئيسي تبعهم اسمه دوبان
وفيها كثير هنود كثير شغالين واذكر تبع الميني بار هندي وكان يتكلم عربي لانه اشتغل 3 سنين بالكويت
والشاطي تبعهم فظيع والمنظر شي خيال
بس فيها شوية صخور بالشاطيء يعني تحتاجون تلبسون سليبيرز وانتم تسبحون
راح توصلون هناك 1 الظهر بتستقبلكم مندوية وتاخذ الفاوتشرات والشناط وتحط عليها ارقام غرفكم وتركبون تاكسي على الجيتي تبع القوارب تنتظرون هناك يمكن حول ثلث ساعه وينطلق القارب ومعكم اجانب على فكره بيكون وتوصلون هناك وعلى طول يودونكم للفلل من غير ماتدفعون عربون او ياخذون الفيزا

اشكر تفاعلك معي يا ام جود
والحمدلله تم الحجز على لابريز هيلتون
وان شاء الله نستمتع
وجزاك الله خير

om.Hadi
سيلوات جزيرة هادئة ولابريز من الفنادق الممتازة
عملت عليه مقارنة مع ليوموريا في برلاين واخترت الأخير لعدة اسباب اوضحتها في التقرير

اتمنى لكم رحلة سعيدة وموفقة بإذن الله