السلام عليكم
بعد زيارة لماليزيا :
https://artravelers.com/p/re/382085
قررنا الجلوس في سيريلانكا لمدة 4 ايام ..
و احب ان اشكر من ساعدني في التنظيم لرحلتي
و من اقترح علي زيارة فندق هوناس فل
===========================
نبدأ
.
.
.
.
9المهم .. موعد طائرتنا كان في الصبح ، و حسب تخطيطي نوصل سيريلانكا الساعة 12 و 4 ساعات مسافة فنوصل الفندق الساعة 5 ...
اول غلط سويته اني لما كنت احجز و اجوف ف التذاكر نسيت انه موعد الاقلاع يكون بحسب توقيت الدولة الي اطلع منها و موعد الوصول بحسب الي وصلت لها .. فحسبت انه الرحلة تستغرق ساعة و نص و هي ف الحيقية 3 ساعات تقريبا ..+ 1 ساعة في المطار + 4 ساعات المسافة للفندق = 8 ساعات ..
كان المفروض اخلي اول يوم يكون في كولومبو للراحة او نيقمبو و بعدين اطلع كاندي و ارجع مرة ثانية ...
و الغلط الثاني اني ما سويت أي برنامج جاهز ، و لا قريت اشياء وايد عن سيريلانكا لأن هدفي منها كان بس استرخاء .. يعني بس نقعد ف الفندق و لا نطلع إلا للتمشية و التسوق ...حتى اسماء مطاعم عربية ( و كأن بعدين قريت انه بس في مطعم في كولومبو اسمه عايدة ) ... و لا اسعار المواصلات عندهم..
وصلنا سيريلانكا على الساعة 4 ، و اول مادخلنا قاعة العائدون .. تفالتوا علينا اصحاب التكاسي .. و جى واحد قال بعطيكم عرض مغري و .. قلنا له لا نبي ناخذ تكاسي رسمية من المطار .. فراوانا بطاقة ترخيص و خلاص رحنا وياه ..
طلع هو موظف ف المكتب اخذنا حق صاحب المكتب و هناك قعد يهر علينا و يهر و لما عرف انه حاجزين فندق قال هذا 3 ستارز و تقدرون تحصلون افضل منه .. فقلت له اخذته عشان الشلالات الي فيه .. قال أي شلالات مافيه شلالات السنة ما في شلالات .. طبعا جتني صدمة .. و قال هذا غير الطريق الي تروحون متعب .. فقلنا ليه معليه .. و تم يراوينا من الفنادق الي عنده و كشختهم .. و اتفنقا وياه انه ناخذ سايق و عطانا بكج انه اول يوم بس يوصلنا الفندق ، يوم ثاني يجي يودينا في كاندي :
حديقة النباتات و الزهور – مطعم كنتاكي - اعلى نقطة في كاندي – السوق الشعبي – رقص الفلكلور
اليوم الي عقبه يجي و يودينا :
مصنع الشاي – حديقة البهارات - محمية الفيلة – نيقمبو
و رابع يوم يجي يودينا المطار
المبلغ اعتقد كان 100 د.ب او 150 مو ذاكرة بالضبط .. حسيته وايد و مبالغ فيه بس وافقنا عليه عقب التعب .. يعني تقريبا ماليزيا 14 يوم مواصلاتها ما تجاوزت 150 ..