انا دخلت الفندق وتغديت في المطعم وشفت الغرف بس ما سكنت فيه
الفندق نظيف وهادي والمطعم ممتاز
الموقع قريب جدا من كل شيء
اكيد بيكون غالي اشوي في الموسم
بين 300 الى 400 ريال على ما اتوقع بس يستاهل

http://wikimapia.org/1384890/ar/hotel-noor
وهذا رابط يبين موقع الفندق في شارع خسروي
يوجد في الجهة المقابلة محلات خضرة ولحوم وبقالات (في مدخل سكة ضيق شوي وليس على الشارع)
00985112232970

السلام عليكم
الف شكر على المعلومات الطيبة.
اذا ماعليك أمر ممكن تعطيني اسامي فنادق بعد تكون نظيفة وحلوة
بس أكيد ابي اسعار ارخص من فندق نور
يعني في حدود 150 ريال .
واذا سمعت شي عن فندق كلارة ياريت تخبرني .
جزاك الله خير

فندق شاد توس نظيف
فندق رضوان لا باس فيه وميزته فيه مطعم
فندق جدة وفندق المدينة وفندق النبي
كلهم في مكان واحد سوق البحرين
فندق امير كبير فيه مطعم وقريب جدا
وفندق حاتم وفندق اطلاعات وفندق محمد زادة كلهم شقق مفروشة واسعارهم معقولة وكلهم بجوار الحرم
فندق الغدير نظيف وتحته اسواق
واذا سمعت شي عن فندق كلارة ياريت تخبرني .
اول مرة اسمع عنه
اذا ماعندكم اطفال في المدارس بلاش شهر 7 لأن كل الأسعار تتضاعف وزحمة في كل شيء

مرحبا
مشكور أخ أحمد على المساعدة
المشكلة ان عندي طفل في المدرسة فماعندي حل ثاني غير شهر 7
عندي بعد سؤال((يبين ان ماراح تخلص أسألتها الى يوم السفر))
كم المسافة من مشهد الى قم ,ويسوى اني اروح لها باالتاكسي
لأن زوجي متخوف من الطيران الداخلي
ويسوى اني ارد في نفس اليوم؟
شكرا

مستحيل تروحون قم وتردون بنفس اليوم
المسافة من مشهد الى قم كثر المسافة من الدمام الى مكة تقريبا
بعدين من السعودية الى مشهد مايخاف من الطيارة
ومن مشهد الى قم يخاف من الطيارة؟!!!!!!!!
تقدرون تستغلون القطار من مشهد الى قم
بس في شهر 7 صعبة تحصلون تذاكر
تقدرون تشترونها من السوق السودة
يعني راعي التاكسي يجيبها لكم بسعر غالي
بس قطاراتهم تستاهل
خذوا لكم كابينة على شان تنامون فيها اسرة وتلفزيون
احنا مشين الساعة 12 نص الليل من قم و وصلنا مشهد يوم ثاني اذان العصر
احتفظي في هالرقم ونسقوا معاه
رجال طيب ويخاف الله ويخدمكم من تذاكر وسكن وعنده سيارة
بو حسن:09155135244
ممكن يستقبلكم في المطار ويدبر اموركم
وترى اجرة المشوار من المطار الى الفندق او من الفندق الى المطار لا تتعدى 3000 تومان يعني 12 ريال
واللي غيره اصحاب تكاسي المطار حرامية ياخذون 5000 تومان

أحمد عايش
سلام عليكم
احنا أول مرة بنسافر ايران وراح نسافر على طيران البحرين اذا الله كتب لنا
لأنا من البحرين.
وزوجي يخاف من الطيران الإيراني لأنه دايما يسمع عن الطيران الداخلي انه فيهم مشاكل أو يطيحون
بس المشكلة اذا رحنا قم كم يوم وردينا مشهد بعد مااعتقد انا نحصل سكن مرة ثانية في مشهد اكيد راح يكون صعب مو؟
لاتقترح عليي انا نروح مع حملة مانبي.
بس ماقلت ليي ابو حسن من مشهد؟
رحلتنا راح تكون بإذن الله اسبوعين واحنا نتمنا ان تكون في مشهد وقم.
شكرا

معليش مداخله عليكم اخي احمد عايش ......بو حسن في وين اقامته هل في مشهد لاني محتاج سائق الى مشاويري هناك ؟ وما جنسيته عراقي؟