حياك يالأمير ...
طبعا لكل جزيرة ( جوها الخاص ) ... وأنت تختار حسب رغبتك ...
لنكاوي : جزيرة هادئة وساحرة ... وتنام بحلول المساء ... وتنفع لمحبي الهدوءءءءء ...
بينانغ : جزيرة صاخبة شوي مثل المدينة ... وفيها حياة ليلية وأسواق ... وتنفع لمحبي السهر ...
وطبعا ... سلانجور تبعد عن لنكاوي 50 دقيقة طيران ... وعن بينانغ ساعة طيران أو أربع ساعات باص
ولو بغيت رأيئ المتواضع .... لنكاوي أجمل وأنسب لك ..

هلا وغلا باخوي وافي واشهد انك اسم على مسمى الله يعطيك الف عافيه على ماتقدمونه انت والاخوان الطيبين
ان باذن الله رايح للاثنين لنكاوي وبينانج
وعشان اضع اي منهم بالاولوية راح اختار لنكاوي
وعندي استفسار بسيط
انا برنامج الرحلة
يومين سيلانجور
3 ايام لنكاوي
3 ايام بينانج
يومين الكاميرون
5 ايام كوالا
جزيرة بانكور لاوت هل اروح لها من الكاميرون ام من كوالا ؟
وعن طريق باص ام تاكسي
وتسلم ياغالي

حياك يالغالي ...
ألف شكر على كلامك الطيب ... الله يسعدك يارب
أما الجدول عندك ( راقي ) وأنصحك تعتمده ... لأنه سهل ومرتب 100%
وجزيرة ( بانكور ) ... تحتاج يومين أقل شيء ... ماينفع لها يوم واحد ... لان الطريق لها أكثر من خمس ساعات ...
نصيحتي لك ... ألغي ( بانكور ) في هذا الرحلة .. وبأذن الله تكفيك ( لنكاوي ) عنها

انت الخبير ياوافي ورايك يهمني وبالغي بانكور رغم اني شفت تقرير عنها سحرني وانا من محبي الطبيعه
لنكاوي بعد حلوه ولكن اي فندق ترشحه من حيث الراحه والمتعه والاسترخاء والسعر المناسب
كثير من الفنادق مايمدحونها النزلاء اما بسبب تعامل موظفي الفندق اومن الحشرات اومن حيث
عدم تلاءم السعر مع جودة الفندق وموقعه او من بعده عن الاماكن السياحيه حيث ان سعر التنقل غالي
بودي اجد فندق مريح وقريب من البرامج السياحيه في لنكاوي

هلا بالغالي ...
في لنكاوي أرشح لك ( البلانجي بيتش ) راقي ومميز ... وموقعه روعة
أما جدول لنكاوي .. أعطيني عدد الأيام وأكتب لك الجدول المناسب

هلا بالوافي وافي
انا باذن الله باجلس بلنكاوي 3 ايام
وش افضل التنقلات السياحيه في لنكاوي وافضل الاماكن الي تنصح بزيارتها
وتسلم ياغالي

حياك الله يالغالي ...
في لنكاوي ... أنصحك بهذا الجدول لمدة ثلاثة أيام :
اليوم الأول في ( لنكاوي )
الراحة في الفندق والتجول بالمنطقة المحيطة ... ثم التوجه لميدان النسر عند العصر ...
التسوق من مجمع ( الفير مول ) والعشاء والعودة للفندق ..
اليوم الثاني في ( لنكاوي )
زيارة التلفريك عند العاشرة صباحآ ثم القرية الشرقية ...
وبعدها جولة خاصة على لنكاوي لمدة أربع ساعات ... وزيارة الحدائق ومزرعة الخيول والشلالات ...
اليوم الثالث في ( لنكاوي )
الأفطار صباحآ ثم التوجه إلى عالم تحت البحار .... والعودة للفندق بعدها
وعند الثالثة عصرآ ... رحلة المانغروف والعودة عصرآ للفندق والراحة ...

تسلم يمينك اخوي وافي
جدول ممتاز وباذن الله يتم اعتماده
الف شكر ياغالي

تستاهل كل خير ياغلانا ... الله يسعدك ويوفقك دوم