اتمني احد يقدر يفيدك و الله يبارك علينا وعليك يارب

من اي مدينه بايطاليا
فيه القطار وطيران ايزي جيت
فيه في باريس ديزني لاند وملاهي استرايكس وحدائق كثير خلف ايفل شامب وحديقه لوكسمبورع واللي عند ميدان الكونكورد
التسوق كثير ويختلف حسب راغباتك فيه جاليري لافييت وبمنطقه اللاديفانس الفصول الاربعه وشارع ريفولي ا
ومنطقه الاوبرا والشوارع المتفرعه من الشانز وهالرابط يفيدك
https://artravelers.com/p/re/193693
الجدول مبني منه انتي محدده مناطق انتي تبينها وودك تزورنينها ولا فيه تقارير ممكن تشوفينها خاصه اللي لاكثر من دوله
https://artravelers.com/p/re/415848
طال عمرك ما دامك امراء تبون كم غرفه
الفنادق بالشانز كثيره ما بين خمس نجوم وواربع وثلاث حددي وش تبين فيه بالضبط
ولا فيه مشاكل عليهم ما دام تأِشيرتهم صالحه للدخول الخدم بيدخلون وبيصير حالهم حال أي سائح بالبلد
اعتقد تبون خمس نجوم بالشانز
https://www.booking.com/searchresults.html?aid=1300939
بس حددي وقت الوصول لان فيه فنادق أخرى
طال عمرك المترو كويس بس يمكن ما دام معكم حراس شخصين هل بيتنقلون معاكم ولا لا لان المترو من سبق لبق
والتاكسي سعره كويس
اذا تنقلاتكم بروحك مع البنات حلو المترو وفيه تغيير
الفيزا ظروريه ورحلتكم طويله حقيقه يحتاج كاش بس اخشى عليكم من السرقه
اي استفسار كرري الزياره

ما شاء الله تبارك الرحمن
الزعيمه ماودك بمرشد سياحي معكم بس يكون الراتب باليورو
استفسارك يحتاج لوقت وخبرات مشرفين واعضاء
وهل يوجد مشاكل على الخدم والمربيات والبدقارد حيث انني امراء ولايوجد معاي سوى اطفالي ؟
لايوجد مشكلة ان شاء الله
وهل الافضل اخذ معاي مبالغ كاش او الفيزا والماستر وبطاقات الصرف الالى
خذي معك كاش وبطاقة فيزا احتياط ايضا والكاش مايكون فئات كبيرة من فئه خمسمائه يورو
والتنقل الافضل هو عن طريق المترو او السيارات الخاصه .
التنقل وين قصدك باريس؟؟؟ التنقل في باريس الباص السياحي والمترو
ماهي أفضل الفنادق لسكن فيها وخاصه يكون في الشانزليزية ؟
باخذ جولة وارجع لك لان المسالة تحتاج بحث دقيق
ماهي افضل الطرق للوصول من ايطاليا الى باريس؟
بالقطار او بالطيران الاقتصادي ايزي جت بس حددي من وين في ايطاليا لاجل اجيب لك الاسعار والبيانات كاملة
جدول رحلتي 50 يوم وخط سير الرحله من الرياض الى دبي الى تركيا الى المانيا وبعد ذلك بالقطار الى جنيف الى روما
وميلان الى باريس الى دبي الى الرياض هل يوجد افضل من خط السير هذا .؟
خط السير يبغاله جلسه ورقه وقلم وخريطة لاجل اقدر اجاوبك بدون ارتجال
وهل مده 19 يوم كثيره على باريس .؟
الا كافيه وكثيرة جدا على باريس والافضل تزورين مدن فرنسية مثل نيس او كان واذا نويتي علميني وانا اجيب لك مدن قريبه اخرى
وهل ازور دول اخرى او مناطق داخل فرنسا اخرى غير باريس ورحلتي هي لتسوق والترفيه .؟
نعم
فاتمنى مساعدتي وباسرع وقت
في شي مهم لابد تكونين مدركه له وهو التاشيرة
اولاً حددي اول دولة يتزورينها وبعدها اصدري التاشيرة وحبذا يكون نوعها متعدده
شنغن multi

اللوورد طبعا التأِشيره راح تكون لهم شنغين متعدده يا غالي ولو صارت سنقل وهذا امر مستبعد ما فيه مشكله لان خط سيرهم لن يخرج من اي دوله خارج نطاق الشنغين المانيا ايطاليا فرنسا
والله عاد 19 يوم بباريس كثيره جدا جدا نيس تصلح لك ودوفيل مصيف الاثرياء بباريس
عاد اللورد هو الخبير هنا وما يقصر ومشرفتنا يمكن أعلم بالشوبينق
بس خط سيركم حقيقه متعب جدا جدا جدا دبي من يروح لها بعز الصيف

19 يوم اشوفها كثيرة على باريس
انا انصدمت بالتسوق في باريس ماتوقعتها بالمستوى هذا
اذا كانت زيارتك للتسوق مافيه احلى من اسواق وبضاعة لندن روعه
تسوق = لندن & ميلانو

ما شاء الله تبارك الله .... رحلة موفقة وما دام أنك نصيتي هالمنتدى المتميز وبالأخص مراقبنا المتألق دائماً فيصل والمشرفين المتميزين الآخرين فثقي تمام الثقة راح تلقي ضالتك المنشودة بإدن الله ....

مشاعل 19 يوم اشوفها كثيرة على باريس
انا انصدمت بالتسوق في باريس ماتوقعتها بالمستوى هذا
اذا كانت زيارتك للتسوق مافيه احلى من اسواق وبضاعة لندن روعه
تسوق = لندن & ميلانو
اذا تدورين التسوق صح
زوري دبي
مول الامارات ودبي مول وراح تعرفين كلمه شوبنج على اصولها

مع كل احترامي انا سكنت في دبي 4 شهور بضاعه اوروبا لا تقارن ابدا ببضاعة دبي