السلام عليكم
اولا.. وقبل كل شي .. احب اشكر القائمين على هذا المنتدى الي مستحيل نعطيه حقه من الشكر على كثر ما يقدمه لنا
وسبق اني سافرت مع الاعتماد على الله ثم على اعضاء المنتدى ل ماليزيا وسويسرا .. والحمدلله الرحلتين كل وحده احلى من الثانيه
اليوم .. انا جايكم وطالب الفزعه (( للمره الثالثه )) ولكن مع تغيير الوجهه (( الى فرنسا ))
والصراحه .. ما عمري طبيت فرنسا ولا ادري عنها الا .. ثلاث اشياء ( الشانزلزيه و ديزني و تيري هنري ههه )
ناوي اروح اسبوعين ( تقريبا ) من 25-7-2010 الى 10-8-2010
اول سؤال ( هل فرنسا .. تستاهل اني اقعد فيها اسبوعين ...؟ ) ولا واجد عليها ..
لاني افكر .. اذا ما نصحتوني ( بالاسبوعين ) ممكن اخليها بين باريس ولندن ( اسبوع و اسبوع )
ايش الاماكن الي تنصحوني بزيارتها بالنسبه ل فرنسا ( ادري هالسؤال ملغ ) بس معليه استحملوني .. سوا خير وقطووه فالبحر
الفنادق .. فنادق جيدا جدا ( ركزوا عدل ) ما ابي ممتازه ( يعني ) من ال 1000 الى 1500 بالليله اللي يطلع ريال واحد انشيله من القائمه
اللغه .. الجماعه اهناك .. يتكلمون انجليزي.. لاني ما اعرف الا كلمه وحده بالفرنسي ( بنجور ) وهل راح اتلعوز باللغه ولا لا
واذا في نصايح عامه ... خذووا راحتكم واطلقوا العنان لانفسكم وكل معلومه اكيد راح تفيديني لاني ميح ب فرنسا
مع العلم اني رايح مع المدام و3 قطاوه .. وانا داري ان القطوه الاخيره راح تلعوزني بس ( نبي نكسب الاجر فيها ) واتفضلوا خذووا المايك ... والله الله
يقولوون ان اليورو ( مسدووح هالايام ) فرصه للشراء صح .. ولا انطر اشوي ممكن ينزل