من انترلاكن الى يوربا بارك حوالي 3 ساعات الى ساعتان ونصف
فيفضل مبيت هناك افضل
يعتمد على عدد الاشخاص
انا نفس طريقتك راح اسلم سياره وركب قطار اشوفها افضل بس اذا تبي تسلم سياره في باريس راح ياخذون منك ظريبه تسليم سياره في دوله اخرى
وفي باريس ماتحتاج سياره
وللعلم بأنه مسافه من انتر لاكن الى باريس حوالي 625 كيلو
هذا موقع راح يفيدك بتنقال وسافات
http://maps.google.com/

مشكور يالغالي
طيب وش رايك لو رحت من انترلاكن ليوروب بارك وبعها اطلع مباشرة الى باريس من يوروب بارك؟

كثير ارهاق من انترلاكن الى يورب بارك والعوده في نفس اليوم وحط في بالك ان الملاهي تسكر 6 فلازم تخطيط بالوقت داخل الملاهي وحاول الابتعاد عن يوم السبت والاحد لان الزحمه لاتطاق

خذ هذه النصيحه من اخوك
من انترلاكن اذهب الى اليوروبارك (rust ) بيت هناك ليله واستمتع من الغد اركب السياره الى ستراسبورق(strasbourg (الفرنسيه حوالي 60 كم سلم السياره بمكتب الشركه في محطة القطار الرئيسيه (طبعا لازم تكون مرتب هذا الامر من يوم الحجز )
خذ تذكرة قطار الى باريس على القطارات الفرنسيه الرائعه tgv المدة ساعتين بدون توقف
وهذا موقعهم اذا حبيت تحجز من بيتكم اليوم
http://www.tgv-europe.com/en/home/?rfrr=SaisieCoordonnees_header_Home بهذا المسار تكون امتعت نفسك باليوروبارك وفي نفس الوقت جعلت امورك مرتبه وفي مسار واحد

الله يعطيك العافية
بصراحة الحين انحست مره وبديت اتلخبط
تكفى ياخبير ساعدني بالخطه .. الحين فيه مخططين في بالي
معليش تحملني بس تراه شهر عسل وحاط كل دراهمي فيه
الخطه الاولى
الوصول الى جنيف يوم السبت 25 سبتمبر واخذ السيارة من المطار والذهاب الى منترو والاقامه فيها الى يوم الثلاثاء 28 سبتمبر (ثلاث ليالي)
وبعدها الذهب الى انتر لاكن بنفس اليوم (الثلاثاء 28 اوكتوبر) الى يوم الاحد 3 اوكتوبر (خمس ليالي) واخصص يوم الخميس ليوروب بارك (طبعا بقوم الصبح بدري عشان يمديني وافتك من زحمة الويكند)
برجع لجنيف يوم السبت 2 اوكتوبر واسلم السيارة واذهب الى باريس بالقطار واكمل بقية الايام الى يوم الاربعاء (اربع ليالي) وبرجع الرياض
الميزه في هذه الخطه ان يوروب بارك بتكون في وسط الاسبوع (يعني مو زحمه)
العيب في هذه الخطه كثرة السفر
الخطه الثانية
تكون مثل الخطه الاولى
جنيف +منترو ثلاث ليالي بدون تغيير
انترلاكن اربع ليالي بدون يوروب بارك
بعدها اتوجه الى يوروب بارك (سوف اضظر ان اجعلها يوم السبت) والله يعين على الزحمة
بعدها تسليم السياره في ستراسبورق والتوجه مباشرة الى باريس الى يوم الاربعاء اربع ليالي
ميزة هذه الخطه قلة السفريات
عيب هذه الخطه الذهاب الى يوروب بارك في عطلة الاسبوع وسوف تكون زحمه
وش رايك ياخبير ومايهون باقي المشرفين والزوار
عطوني رايكم وش احسن اي خطه ولا عندكم خطه جديده؟
تكفون

الخطه الثانيه طبعا
بشرط توصل السبت مبكرا وتجلس في الملاهي حتى يقولون لك اطلع نبي نقفل , وتبات ليلة الاحد ولو اخذت ليله ثانيه من ليالي باريس يكون احسن
يوم الاحد (او الاثنين ) الساعه 2 ظهرا تكون راكب القطار الى باريس (ركز في توقيت تسليم السياره حتى لايحسب عليك يوم اضافي )توصل على توقيت الدخول للفندق بباريس