بأنتظار الرد لتعم الفائدة...

مرحبا
للاسف لم اسكن في اي من الفندقين
ولم اجرب كاليبو ... انا رحت لبوراكاي عن طريق مطار كاتكلان وهي اقرب على ما اعتقد
ولم اسمع بوجود اي مكان محضور في بوراكاي كلها مفتوحة
اذا كنت من هواة التمشية وزيارة الاماكن الخالية نسبيا من السياح لاتفوتك جزيرة مالاي بالقرب من بوراكاي تروح لها عن طريق استئجار احد البوتات (القوارب) اعتقد ان السعر 200 - 2500 بيسو والرحلة مدتها 5 ساعات تقريباً ... ثلث ساعة بالقارب والباقي بالموترسايكل او بالرجلين ... الجزيرة داخلها نهر وشلالات
ولاتفوتك جزيرة كريستال كوم .. الدخول لها ب 100 بيسو فقط ... يوجد بها كهوف تحت الارض تطلع بك على البحر من الجهة الثانية
واذا كنت من محبي التدليك الراقي .... لايفوتك ماندلا سبا .... غالي شوي 70 دولار بس يعيشك جو الامبراطور
عموما افضل شي انك تسكن في الفنادق اللي في ستيشن تو عشان تكون قريب من كل شي
اتمنى لك رحلة ممتعة

مشكور اخوي العزيز على هالمعلومات القيمة والله انك ما قاصرت واتمنى اشوف باقي الاخوان مثلك بعد يتفاعلون مع الي مثلي الي اول مره يروح الفلبين وبالنسبة لي انا من هواة التمشية واحب المشي وايد بس بنفس الوقت احب الاماكن الي تكون مليانه سياح ما ادري ليش احس انه المكان مهم ومثير للفضول عالعموم اخوي بس بغيت اعرف انت في اي فندق سكنت بالضبط وشرايك فيه من ناحية الخدمات والغرف ...

ابصراحة اكثر مايهمني في الفندق النظافة وسرعة الخدمة
الفنادق اللي سكنت فيها 3 نجوم وكانت نظيفة وخدمتها حليوة
كريستال ساند
فندق بانز
وهي ماهي فنادق .. لكن يسمونها رزورت
تحياتي
mns506

1. مرحبا اخوي ....

مرحبا اخوي ....

انا اخوي من مجربين مطار كاليبو ... والله في الحقيقة انا لما رحت كنت ما ادري ان فيه مطار ثاني أقرب من كاليبو عن طريق الخطوط الفلبينية كانت التذكرة ب 3500 بيسو وبصراحه كنا رايحين على عماها ما كان عندنا ا معلومات عن الفنادق اللهما شوية معلومات عن الجزيرة ... في مطار كاليبو عند استلام العفش تشوف امه محمد ... فلابنه يا كثرهم معهم باصات صغيرة ب 200 او 250 بيسو انت وقوتك في المكاسر ... يوصلونك لحد البوت يأخذ تقريبا نصف ساعة او تزود ... لما تاصل البوت في كشك تدفع ضريبة 50 بيسو وجنبه كشكات مندوبين فنادق مو فنادق فنادق أكواخ في حوش سعرها من 1000 الى 1200 بيسو للكوخ ذو السريرين بدون او مع Tv يغلى السعر ... ولا تفوتك البراشوت ترها ترج رج بس في النهاية تجدها ممتعه ... واذا انت دراهمك واجد وما عليك رح لمكتب سياحي في مانيلا يسوي لك برنامج لمدة 5 ايام تقريبا ب 17000 الى 18000 بيسو مع التذاكر ... اذكر فيه فندق ممتاز بس غالي اسمه فرايديز يمكن ب 100 $ لليله بس فخامه ومجرب
شكلي طولت في الكلام واالله اني ما استحي على وجهي ...
بس بالنسبة للمطار الثاني أقرب بس طيارتهم قديمه ام مروح على جنب وازعاج لا كن طيارت الفليبينة والثانية سيبو سفك ما توقع الا في كاليبو طيارات حديثة جديدة

اخوي بروكاياوي مشكور وماقصرت على المعلومات جزاك الله خير وانا سألت واحد فلبيني هني عندنا قلت له شنو احسن فنادق بوراكاي يقول مافيه فنادق هناك انا استغربت منه وقلت له شلون مافيه فنادق وانا اعرف ناس راحو لهذي الجزيرة وكنت اقصد منتدانا الغالي وهوا جاوبني بكل برود فنادق مافيه فيه ريزورت بس ههه والله رفع ضغطي اولها وبعدين خلاني اضحك

waw991
اخوي ماقصرت ولك الف شكر والله عجزت وانا ادور واحد جرب يروح بوراكاي عن طريق مطار كاليبو واخيرا حصلتك وبخصوص اختياري للذهاب عن طريق هالمطار لانه انا حصلت حجز من هنا للرحله من مانيلا الى بوراكاي ودورت من مانيلا الى المطار الثاني وماحصلت ويقولون بس في الفلبيين متوفر الحجز حق مطار كاتيكلان اما بخصوص السكن انا للحين ما اخترت اسكن في اي فندق بس مرشح فندقين الاول THE PANOLY RESORT والثاني THE REGENCY BEACH من كثر ماسمع عنهم ويقولون انهم من احسن فنادق بوراكاي اما باالنسبة للفندق الي ذكرته لي اخوي حبيت استفسر وش رايك في موقعه بالجزيرة وشرايك في خدماته وحجم الغرف وهل السعر الي ذكرته يضمن وجبة الفطور وشكرا لك اخوي

الرجنسي هو الافضل ولا تشاور

اخوي سبقت ورحت لبوراكياي قبل سنتين ب 200 دولار
شاملة التذكرة على خطوط asian spirit لمطار كاتالان والسكن في Regency Resort ليلتين
في شقه غرفتين والإفطار والمواصلات
وهذي بعض الصور
اولا المطار


احد المنتجعات رخيص السعر بالنسبه لليجنسي

الشاطي الأبيض الجميل ومكتوب عليه بالكوري (لاتكون مسبة)

ومثل ماقالوا الاخوان يجب انك تقوم بالرحلة للجزر الثلاث ومنها كهف كريستال
طبعا احنا ثلاثه واخذنا القارب ب1500 بيسو للثلاثه يعني الواحد ب 500 بيسو

مدخل جزيرة الكهف

وطبعا هي على ماأذكر ثلاثة كهوف وهذي بعض الصور للطرق المؤدية لها


واخير صورتين لغرف منتجع الريجنسي