السلام عليكم ورحمة الله
اخواني بدخل في الموضوع على طول
بسافر للفلبين ان شاء الله ولكن هذي المره الاولى للذهاب اليها
طبعا انا لي شغل محدد هناك وهو اني بجيب فنيين خاصين لمركزي لتلميع السيارات يكونو مدربين وخبره في المجال وطبعا هذا لحاجتي لهم في المركز وطلب السوق ايضا والزبائن او مايسأل عن العماله وتقدير الزبائن للفلبينيين.... والله يرزق الجميع بأن الله
و بصراحه رحت المكاتب ويعطوني اسعار خياليه مع انه معي 9 تأشيرات فلبينيه ويقولون لي بنجيب الواحد على 7500 ريال واقل مكتب سوى تخفيض ب7000 ريال وعليكم الحسبه ....
ولا تدري بعد وش التاليه ممكن مايعرف اصلا الشغل نهائي ولا غير مدرب وماعنده خبره ذاك الوقت ابلش فيه
فقررت اني اروح بنفسي واخف التكلفه لأن في واحد من الزملاء نصحني بهالشي واتنقى العماله المناسبه بعد توفيق ربي بأذن الله
طبعا في الاخير انا مااستغني عن استشارتكم وتوصياتكم وبالنسبه لمدة جلوسي في الفلبين ماهي محدد وتبدأ من 15 يوم واكثر وابغى لو جاء عندي فرصه اني اتمشى داخل مانيلا بما تنصحوني ايضا واي الخطوط افضل استقلها من هنا ذهاب واياب وتكاليف الاقامه العاديه جدا والمصروفات و و و و و
اتمنى من الله ثم منكم افادتي بجميع المعلومات وعدم التقصير في اي معلومه وحتى لو كانت صغيره
شاكر ومقدر للجميع