سلام عليكم..
أخوي المنتدى مليان مواضيع زي اسفساراتك.. والإخوان ماقصروا جاوبوا عليها
لو تسوي بحث ممكن تلقى اللي تبيه..
كل واحد إذا جاء يسافر يستفسر بنفس الإستفسارات...إذا قدر الله لي ورحت الإجازة الجاية بحط زيكم موضوع :8888:
لا تنساني ادعيلي

اانا صراحة ملاحظ على الاخوان كل ما نزلت موضوع قالو روح دور بالمواضيع
يا اخوان جابوني طيب يعني كسلانين تكتبون بعدين انا ماني فاضي افرفر المواضيع كله يعني اكتب موضوع واحصل اجوبه وصل الله وبارك لازم ادور على مواضيع المنتدى كلها
مجرد notice
المشرف :-
عزيزي ردك قاسي جداً , ومافيه أيّ نوع إحترام أو حتى تقدير لمجهودات الأخوان ..
أنت مانت فاضي تقلب بالمواضيع !
وفيه أحد قالك إحنا فاضين عشان نفيدك ..
عزيزي لا تكون مفكر حنا نآخذ فلوس على الي نسويه ؟
أعتقد في هالزمن كثر أجناسك , الي مايقدرون أعمال الناس .. ولا حتى يشكرون ..

1. شتاء وعز البرد

اولا /احب ان اقول لكم بانني ولله الحمد عقدت النية لدراسة اللغة بنيوزلندا لمدة 3شهور وستبدأ بإذن الملوى عز وجل بالشهر 7 الهجري اي اعتقد انه بالميلادي يوليو كيف ستكون الاجواء هناك هل هو صيف ام شتاء ام ماذا.

شتاء وعز البرد

ثانيا/انا اخترت كريست شيرش للدراسة وذلك لما قرأته هنا منكم واحبتت المدينة بصراحه ولكن محتار بين معهدين هما الاول:معهدlsi والثاني معهدccel كيف هي بنطركم هذه المعاهد هل هي جيدة مع العلم والله شاهد على ان لن اذهب الا لغرض الدراسة وكلي حماس لها وسأذهب عن طريق مكتب لانها اول سفرة لي هناك ولا اعرف اضبط اموري الا عن طريقهم لاول مره.نظرتكم للمعاهد هذه من ناحية الدراسة هل هي جيدة.
من قال لا اعلم فقد افتى
ثالثا/لمن جرب الخطوط السنقافورية هل هي احسن من اتحاد الامارت ان كنت انوي الذهاب مثلا عن طريق دبي مثلا.مع العلم ان هناك فرق بالاسعار.
انصح بالخطوط الصينية 6100
السنغافورية 6300
الاماراتية فوق 6500
اخيرا/كيف هو مستوى المعيشة بالمدينةهل هي غالية ام مقبولة نوعا ما علما انني اخاف من الاسعار المرتفعه جدا مثل مايحدث ببريطانيا وامريكا وغيرها.
اقل بكثير من امريكيا وبريطانيا
اليكم جميعا ادعو الله العلي القدير ان يوقفني واياكم لما فيه الخير ومن رد علي وافادني دعواتي له من اعماق قلبي بالتوفيق في الدراين ومن شاهد موضوعي ولم يرد عليه كذلك اقول له وفقك الله ورعاك

اشكرك جميع من مر على الموضوع واشكرك اخي ابو زياد لكن تكفون ياجماعه الخير المعاهد كيف دراستها ابغى احد يجاووبني غير كذا كم يكفيني من المصروف الشهري هناك علما بأن وجبتين مع العائله يوميا كم يكفي كمصروف شخصي لم صرفه متوسط او قليل بعض الشي ارجوا ان تفيدوني جزاكم الله كل خير وفقكم.

1. بالنسبة لاخوي ايمنكو


2. بخصوص اخوي الاسير


3. ماشاء الله عليه بو زياد ماقصر معك لكن عندي بعض الاضافات

بالنسبة لاخوي ايمنكو

يالغالي اذا كل شخص فكر بنفس هالطريقة صدقني بيكون المنتدى ممل وبتروح ثلاث ارباع المواضيع للصفحة الثانية وبيخسر الجميع يعني ماراح يضر اي شخص قبل مايطرح موضوعه يشيك على المواضيع الموجودة وهي واضحة والله ،،، يعني موضوع اخونا احمد وغيره عن المعاهد وتفاصيل وعن الاسعار وشاهدت مواضيع جميلة والله لو الواحد اطلع عليها بيلاقي الاجابة عن جميع استفساراته ،،، فصدقني وناخوك الوضع بيكون ممل كل شوي نفس الاسالة ونفس الاجوبة واسف على الازعاج .

بخصوص اخوي الاسير

ماشاء الله عليه بو زياد ماقصر معك لكن عندي بعض الاضافات

بخصوص الاستفسار الثاني عن كرست تشرش صراحة وناخوك اعرف زميلي يدرس فيها يقول متروسة سعوديين والله اعلم لكن بخصوص المعهدين بالضبط لا أعلم عنها حقيقة ولكن وناخوك الدراسة تعتمد اكثر شي على الشخص نفسه على جهده واجتهاده وممارسته للغة وان شاء الله الشباب يفيدونك فيها .
بخصوص الصرفية يالغالي دام وجبتين مع عائلة فوجبة الغداء راح تكون صعبة عليك مع العائلة لانك بتكون في المعهد وراح تأكل من الخارج لكن اذا كنت شخص عادي يعني ماتحب الاسراف انا بصراحة ووجهة نظري اشوف الصرفية راح تكون : يقولون المواصلات في كراست تشرش 80 دولار نيوزيلندي تقريبا لشهر طبعا ،، فاعتقد والعلم عند الله دام وجبة العشاء بتكون عند العائلة ان 500 دولار نيوزيلندي كافية لك لمدة شهر لمصاريفك الشخصية والله اعلم .

مشكور ياغالي وما قصرت انت وجميع من رد علي هنا اشكركم من اعماق قلبي وياخوك انت صادق اعرف ان الدراسة تعتمد على الشخص نفسه ماعليك بكثرة السعوديين او قلتهم دام ان الواحد ناوي دراسة بيتوفق باذن الله والله يوقفني واياكم لما يحبه ويرضاه
تقبلو تحياتي وشكري......

1. حبيبي انت امك داعيتلك ..

حبيبي انت امك داعيتلك ..

وانا بجاوبك على اسئلتك مع اني ما دخلت الساحه النيوزلنديه من فتره بسبب التحويل من نيوزلندا الى كندا ولو تلاحظ النك دودي كندا >>> لاني ناوي من يوم سجلت اني احول كندا والحمدلله تحققت الامنيه ..
انا بديت دراستي فيي كرايس شيرش نفس التوقيت هذا تقريبا عام 2008 وفي معهد LSI .. درست 6 شهور في هذا المعهد .. وال ccel شيله من راسك مره لانه كله سعوديين مبتعثين اغلبهم ولا بتستفيد بسرعه يعني يبغالك وقت طويل في المعهد هذا ..
معهد LSI ما يخلى من السعوديين ولله الحمد .. والمشكله انهم كلهم مستوياتهم ضعيفه وبتحصلهم معك في الكلاس وما راح تستفيد لذلك انا انصحك بتغيير المعهد مع ان الاداره فيه حلوه ويساعدون الطلاب صراحة لكن الفائده من الدراسه تكاد تكون اقل من المعاهد الاخرى .. انصحك مثلا بمعهد Garden City حلو السعوديين قليل و الي اعرفه ان مستوى التعليم فيه جيد جدا و محله وسط السيتي وسعره كويس ..
الجو طبعا برد ما يحتاج اكثر كلام .. عبي ملابس برد ..
الخطوط يا طويل العمر روح على السنغافوريه وانت مغمض .. راحه و هدوء وخدمه مميزه وعلى كرايس شيرش ..
مستوى المعيشه اتوقع بيكون جيد يعني لا غالي ولا رخيص واذا صرفك متوسط يعني احسب حسابك على 500 الى 600 دولار شهريا مع الباص طبعا ..
السكن اغلب المعاهد اسعارها بين 180 و210 دولار اسبوعيا شامل وجبتين ( الافطار - العشاء ) بالنسبه للغداء دبر حالك يا كابتن وانا حسبتها لك مع المصروف الشهري ( برجر كنج - ماكدونالدز - المطعم الهندي لا يفوتك عندهم وجبة لحم ما حصلش - صب واي - التركي بتاع الكباب - اليوناني بتاع الكباب كمان - المغربي بتاع الكباب برضه ) احسنهم اليوناني طبعا اذا تبغى الوصف تحصله يا طويل العمر بعد برجر كنج الي في السيتي ما بينه وبين برجر كنج الا بقاله صغيره .. يسمون ساندويتش الكباب ( سوفلاكي ) اطلب واحد دجاج من عند اليوناني واناالمسؤول ..
موفق يا بطل ولا تنسانا من الدعاء ..
دودي

دودي كندا
من اعماق قلبي اشكرك اخوي على نصائحك والله يوفقك ويرعاك وتحقق اللي تتمناه يابطل
ماقصرت يالغلا.........تحياتي وتقديري لشخصك الكريم.