1. اسئلتي كثيره فياليت تتحملونن ,

بسم الله الرحمن الرحيم .
السلام عليكم ورحمه الله وبركاته .
اخواني ..انا اتمنى ان اسافر الى الصين ,من كثر مادخلت هالموقع ,وشفت صور روعه عن الصين ,
فانا حابه اخذ بعض المعلومات والاستشارات من اصحاب الخبره في هالبلد .

اسئلتي كثيره فياليت تتحملونن ,

لان زوجي مايحب يسافر لبلد قبل ماياخذ معلومات كافيه عنها من حيث الاسعار والامان والسكن
فاربطوا الاحزمه ..وتحملوا اسئلتي ,فياليت اللي عنده اي معلومه عن اي سؤال من اسئلتي يكتبها بالدقه ,لاني ابغى المعلومات من مجرب علشان استفسر اكثر ,لاتقولون ابحثي بالمنتدى او بالنت لاني بحثت وزادني شوشره ,
الاول ..انا ابغى زيارة سور الصين .وانا عارفه انه بشمال الصين
كم المسافه بينه وبين هونق كونق ..وهل استعمل القطار او الطائره .
وكم اسعار الطائره وهل بالامكان ان احجز من هونق كونق او من السعوديه ,
واذا احد يعرف شقق فندقيه فياليت يعطيني العنوان او رقم التلفون ,لاننا مانستغني عن المطبخ
وتكون الشقه من غرفتين الى ثلاث ,
كذلك لو ابغى اروح لشنقهاي فكيف اوصل لها ,وكم المسافه وابغى شقق فندقيه ,يعني نفس الاسئله في كل مدينه ,
وكذلك اهم الاماكن اللي تستاهل انها تنزار .وتقريبا الايام بتكون كل مدينه حوالي 5_6 ايام
وكذلك مدينه كوانزا.والمسافه .
وياليت من اصحاب الخبره انه يحط لي برنامج للرحله على هالمدن الاربع .وياليت يتخللها صور
وكم يعادل الريال السعودي لعملتهم .
وهل فيها انظمه صارمه ,
وهل تحتاج مدنها فيزه مثل هونج كونق .واذا كان اقدر اخذها من نفس الصين .
معليش دوختكم بكثر اسئلتي بس عشمي فيكم كبير .
عاد الله يعينكم على الاجابه ,انا تعبت وانا بس اسئل عاد وشلون اللي يبي يجاوب .
ههه