armani**
19-03-2022 - 02:47 pm
السلام عليكم ورحمه الله و بركاته
تحيه طيبه وبعد ..
هاذي اول مشاركه لي الصراحه ما عرفت وين احط موضوعي ..
اتمنى تقبلوني ضيف في المنتدى الرائع ..:x1:
و انا راح ادخل في الموضوع ..
انا اشتغلت من سنتين و المكان اللي اشتغل فيه توهم الحين بس قبلوا في اجازتي شهر وكم يوم ..
و انا وعدت اهلي بسفره حلوه مع العلم احنا ما سافرنا من خمس سنين ..:112: لان الدوام دايما يرفضون
اجازتي في الصيف..
المهم انا قررت اروح سفره حلوه و مغامره حلوه وقررت اروح نيويورك و بنقعد شهر او ا 25 يوم ..
و حاب اعرف افضل الشقق في امريكا (الافضل ) مهما كانت بس حاب اعرف اسعارهم...
و حاب اخذ سياره ((تأجير)) ابيها عاديه و ممكن اعرف وين اروح و ارقامهم و اسعارهم ...
و المشكله الكبرى اللي يمكن ما القى لها حل هي ((الوالد و الوالده )) يقولون ان اكل في امريكا ما نثق
فيه و حرام و ....و......و....... حتى انا خفت الصارحه
و غير متحمسين للسفر عكس اخواني و خواتي الصغار ... وواحد من ربعي قالي انه من سنتين لما راح
نيويورك حصل واحد عربي يبيع ((خرفان)) و ((تيوس )) عربيه و يذبحهم ذبح حلال
مادري كلامك مزح ولا جد لأنه بصراحه غير منطقي رايح نيويورك شهر بدون حجز مسبق و معاك عايله و تبي رقم اللي يذبح تيوس و خرفان !!
طيب اذا سألوك فى المطار وين راح تجلس ايش راح تقولهم ؟؟ عادي يبهدلونكم و يرجعونكم قطر ....