ام مهايا
26-12-2022 - 08:16 am
السلام عليكم ورحمة الله وبركاته
احنا رايحين لبانكوك لمدة 10 ايام
اربع اوثلاث ايام بوكت او6 ايام بانكوك
ياريت تقولي شواهم الاماكن اللي في بوكت اللي تستحق الزياره
اواذافيه مكتب اوكيه في بانكوك يرتبون رحلات حلوه في بانكوك
اوابغي ازور منطقه الغابات والشلالات الي تكلمت عنها الله يخليك
يعنى يودونا عن طريق المكتب اوبالتاكسى اويعنى شوانقوله
ياريت اترتب لى رحله على كيفك اوهل بوكت تكفيها 3او4 ايام لانا ماعدنا اجازه
غير عشر ايام يعني بنروح تاريخ 3-8 اوبنرجع تاريخ 13 دبي -بانكوك-بوكت-بانكوك-دبي
يعنى ان شاء الله الصبح بنكون عندهم فى بوكت يعني اول مانوصل ينفع انروح مكان لانه اذا ما طلعنا
بيروح علينا اليوم
اوسمحلي ترى طولت عليك ووايد ماعليه ترى الاستاذ يتحمل تلاميذه
ولك كل الشكر والتقدير
على مايجي بو خالد عندي لكم اقتراح
يكون وصولكم بانكوك اول يوم تجلسون فيها يوم 3 .
ثاني يوم تروحون الى بكوت لمدة 6 أيام من يوم 4 الى يوم 10
العودة الى بانكوك يوم 10 وتجلسون فيها الى يوم 13 .
في بوكت ماراح تحتارون أو تتعطلون فيما يخص الرحلات السياحية
في كل فندق موجود مكتب سياحي
بالإضافة الى الأكشاك المنتشره على البحر للرحلات السياحية .
وعلى فكرة ، الحجز من الأكشاك السياحية على الشارع أرخص من الحجز من المكتب الموجود بالفندق .
عندكم خيارات كثيرة في بوكت أبرزها :
1- جزيرة جمس بوند ( من خلالها المرور على جزيرة المسلمين العائمة والغداء فيها ) .
2- ببي ببي ايلاند
3- الفن تازيا .
4- الرافتنق ( وهي ركوب قوارب التجديف في النهر ) ومن بعدها الذهاب الى الشلال .
5- السفاري ( الغابات )
وغيرها الكثير الكثير ..
طبعاً ممكن أنكم تختارون الرحلة اللي تبونها ، أو النقطة اللي تحبون تتواجدون فيها
مثلاً تبون الشلالات بدون الرافتنق
في المكاتب السياحية المنتشرة في بوكت تختارون اللي يعجبكم
ونصيحة ترتبون رحلاتكم من اول يوم توصلون بوكت للأيام كلها عشان ترتاحون ويكون عندكم فوتشر لكل رحلة وموعد المغادرة من الفندق
بحيث تجيكم سيارة الى الفندق وتاخذكم الى الرحلة اللي انتو اخترتوها .
سفرة موفقة .