و عليكم السلام
نبدأ بمنطقة سيلانجور و على حسب الميزانية, اذا كانت مرتفعة فالاختيار الافضل فندق صنواى لاقون
وهذا تقرير لمشرف ماليزيا الاخ/ بدر بوناصر و منه توزيع و انواع الغرف مثل ما قلت الاختيار على حسب الميزانية

عن الميزانية على حسب مصروفك اليومى و الانتقال و الرحلات السياحية ولكن الغالب معدل الصرف اليومى
ما بين 300 ريجنت الى 500 ريجنت ( احسب على هذا المعدل ) و يطلع لك الناتج
بالتوفيق فى الحل والترحال

ما قصر أخي الأسفار أعطاك العلم الأكيد
ماعندي أي زيادة على ما قال
بس حبيت أنصحك تعجل بالحجز من الآن لأنك راح تصادف عيد الكرزمس ورأس السنة
الحق سو حجوزاتك من بدري قبل لا تطير عليك الفنادق الزينة

المغادرون 2007
ما نستغنى عنك يا بوأنس من مداخلاتك و آرائك السديدة
احسبنى واحد من تلاميذك
غفر الله لك و لوالديك و ادخلكم الجنة
مثل ما قال اخى المغادرون احجز قبل ما تطير الفنادق اللى انت مركز عليها ..... طبعا مع تجهيز الفيزا !!!
بالتوفيق للجميع

مشكورين اخواني ماقصرتو
بالنسبه للنكاوي لاقون رايكم فيها بصراحه علما ان اذا كنت بسكن فيها باخذ الاكواخ
وبحتت عن برجايا بس مالقيت امكانيه في اكثر من موقع
فياليت تقترحو علي واحد اخر من واقع خبرتكم
وايهم افضل كترتيب للرحله
سلانقور-لنكاوي-بينانج-كوالالمبور
ام سلانقور-بينانج-لنكاوي-كوالالمبور
وجزاكم الله خير

السلام عليكم
مرحبا اخوي صن وي لاقون في غرفه بحوض سباحه ...بس غاليه
انا انصحك تاخذ غرفه في برايمد الي برع في شكل الخيول الذهبيه..
لنكاوي انا سكنت في فندق لنكاوي لاقون الاكواخ تبا الصراحه الفندق ما عليه كلام متكامل فيه كل شي
وبلنق انا سكنت مره في شنقريلا موول ما عيبني مع اني كنت ماخذ احسن غرفه عندهم الي فيها صاله وغرفه مطله على السوق والبحر بس للاسف ما كان على المستوى الي كنت اباه ...
المره الثانيه سكنت في رويال بارك ماعليه كلام حلو وقريب من السوق وفيه كل شي
كوالمبور .. انا تعودت اسكن في تايم اسكوير لان السوق تحتك وحلو بعد في خيار ثاني ماريوت الكل يمدحه والسفره اليايه بحجز فيه ...
جنتنق ما انصحك تسكن فيها لانها ما تستاهل السكن تقول كانك في زرب مب فنادق هاي ... سيرلها وارجع مب بعيد عن كوالمبور ..
والسموحه

نصحيه سلنقور لنكاوي بلنق عقب كوالمبور
بين لنكاوي وبلنق الناس ياخذون الفيري السفينه بس في طيران ومن العاده شركات السياحه ما يحجزون على الطيران في طيران صغير اسمه فيري ايرلاين تابع للطيران الماليزي رخيص وحلو بتكون تجربه يديده في حياتك ,,,

صن واي لاقون ممتاز
وبالنسبه حق لنكاوي انصحك في برجايا واحجز شاليه فوق البحر
كوالالمبور انا قبل 4 ايام بالظبط كنت هناك وكنت ساكن في قراند ميلينيوم
وايد ممتاز و موقعه جميل و على طول على مجمع بافليون بينك وين المجمع خطوات فقط
لكن الفطور عنده 0/10 ولا يسوى فاشل !! وفي مجمع جديد مقابل باب الفندق اسمه فهرنهايت
لكن مافيه شي غير محلات وانت ابكرامه احذيه ونص المحلات الثانيه ما افتحت وكمان تقدر تروح لمجمع
بي بي بلازا و سونقي وانغ مشي لانهم على نفس الشارع وابعد ابنبك سوبر ماركت والمطاعم العربيه كلها
ومطعم ماكدونالدز .. انا عن نفسي وايد ارتحت في ميلينيوم والراي الاول والاخير لك طبعا
وانصحك في منطقه بورت ديكسون .. فندق The Legend Water Chalets اخذلك فيه شاليه ديلوكس
وراح تدعيلي .. اجمل مكان حق شهر العسل .. لكن حدك يومين او ثلاث ايام لان المنطقه مافيها
اي فعاليات بس ريلاكس .. خلها اخر محطه لك وصدقني راح ترتاح
واخر نصيحه لا اتفكر تروح افاموزا مايسوى الا اذا بتروح يوم واحد وترجع انت ابكيفك لكن لا اتفكر تسكن عندهم

الوجيه12
بما أنك مالقيت في برجايا عادي خذ في الأكواخ في لنكاوي لاقون جيدة
بالنسبة للترتيب أقترح الأول أفضل

انا حابه اخبرك عن تجربتي
فندق الصن واي لاقون جدا رائع لايفوتك
اذا ربي اراد ورجعت سيلانجور ثاني راح اسكن فيه مره ثانيه
وبالنسبه لبيننج فندق الشانجريلا جولدن ساندس فندق رائع ومطل عالشاطي
وقريب من السوق الصيني يعني مايحتاج تاخذ تاكسي وفي حديقة الفندق احيانا يكون فيه نشاطات
مثل كرة الماء الطائره والكره الطائره عالرمل وبعض النشاطات الاخرى
بس الفندق فيه عيب صغير لاحظته يكثر في الغرف الناموس(البعوض ) لدرجة اشتكيناهم وجابو لنا جهاز وشبكوه في الغرفه لطرد الناموس واحيانا اذا طاحت منك فتفوتة اكل تلاقي النمل متجمع
انا قلت لك عيب الفندق وميزاته ولك الاختيار