انا نويت السفر الى أمريكا انا والعائلة الكريمة بمشيئة الله من السعودية الى فلوريدا ومن فلوريدا تبداء رحلة الالف ميل وميل
وسيلة النقل فى أمريكا (RV ) موتر هوم الايجار ابدا من فلوريدا منتهيا بسياتل ثم زيارة كندا والعودة الى فلوريدا حسب المخطط المرفق صورته
نريد توجيهات أهل الخبرة عن التالي :
هل وسيلة النقل ناجحة عدد الاسرة 10 اشخاص 5 بالغين و5 أطفال
انا من هواة الطبيعة والمخيمات
كم تبلغ المسافة المحددة بالخارطة المرفقة
الاماكن اللى تستاهل الوقوف بها
هل الطرق آمنة
كم يبلغ الصرف اليومي من غير سكن الى ماندر عند الضرورة
ارجوا ان لاأكون قد ثقلت عليكم والاجابات تنفع الجميع والمشاركة بالرحلة مفتوحة عوائل
شاكرا لكم تعاونكم وسعة صدركم علينا
Florida------Georgia -----Tennessee ---Missouri ----Illinois ---Wisconsin ---Minnesota ---South Dakota ---Montana --- ---Idaho----Oregon ----Washington
هذا فى امريكا
وكندا كالتالي
British Columbia ---Alberta --- Saskatchewan ---- Manitoba ---Ontario ----Quebec ---
ومن ثم العودة الى
New York-----Pennsylvania ---West Virginia ---Virginia --North Carolina ---South Carolina --
Georgia --- Florida
هذا طريق الرحلة عبر الولايات التحدة الامريكية وكندا
ماهو رايكم وشاركوني فى ايجابياتها وسلبياتها
وفقكم الله لما يحبه ويرضاه
في شغله في امريكا حلوة يعني تقدر تستاجر السياره في مكان وتسملها في مكان اخر اذا تعبت او زهقت
لكن بشكل عام امريكا امنه جدا وانا اكلمك بشكل شخصي لفيت بالسياره ولا احد سالني وين رايج ووين جاي
والطرق جميله جدا وتحصل اللي تبيه في اي استراحه وشكل الاستراحان عندهم غير العالم كله يعني مثلا في استراحه تلاقي مطاعم عالميه فاريديز تشيليز ابل بيز يعن يالواحد يقدر ياكل اكل نظيف وراقي
الحلو في الفان الكبير ان له مواقف خاصه في كل منطقه وتقدر تستاجر الجي بي اس وفيه تلاقي مواقف للفانات انا نست شنو يسمونها هناك لكن تقدر توقف ويمدون لك كيبل كهربا وماي وقنوات تلفزيونيه
وطبعا بفلوس ما كو شي بلاش
وعندهم في امريكا اللي شفته وعجبني اصحاب الفانات الكبيره يسوون قلص او سحب لسياراتهم بدون سايق
يكون الحزام حديدي وثابت وملتصق تقرببا بالفان الكبير وياكثرهم اذا سافرت باسياره تشوفهم
الرحله راح تكون جميله اذا خططت لها بشكل ممتاز يعني تروح بطريق وترجع من طريق ثاني حتى تشوف كل الاماكن
واقترح عليك تطلع من فلوريدا وتروح شمال الى نيويورك وبعدين بفلوا وبعدين شلالات نياغرا سواء الكنديه او الامريكيه
وبعدين تروح غرب الى سياتل وتنزل الى كاليفورينا وترجع الى فلوريدا
ياليت اخوي تفكر في ارحله خصوصا انت من محبين الطبيعه راح تشوف الطبيعه على اصولها وبارخص الاسعار
الله يوفقك في رحلتك وانا حاضر لاي سؤال