وودي اعرف اذا ابحث عن الفنادق القريبة من الشانز في موقع بوكنق شنو الاسبيلنق انجليزي لاسم الحي حتى اختصر على نفسي في البحث

شوف اخوي احسن طريقه للبحث عن الفنادق هو انك تدخل البوكينق وتحدد المده اللي انت تبيها وتحدد المدينه..
بعدين تجيك كل الفنادق المتوفره..فيه تحت على اليسار اسامي احياء باريس..يعني تقدر تحدد الحي اللي تبي تسكن فيه..ومن ضمن هالاحياء حاطين الشانز..طبعا ممكن يبعد الفندق 2 كيلو عن الشانز..وممكن يكون على الشانز نفسه..وممكن يكون 200 متر عن الشانز..كل هذي بتعرفها اذا دخلت الفندق وشفت كم بعده عن المعالم..
عموما انا بحثت في البوكينق عن كل الفنادق ثلاث نجوم اللي في حي الشانز (ممكن تكون بعيده شوي عن الشارع)
تفضل على هذا الرابط..
https://www.booking.com/searchresults.html?aid=1300939
وزي ماقلت لك ياخوي هذي الفنادق هي في حي الشانز يعني حوالين الشارع وممكن تكون قريبه او بعيده او على الشانز نفسه
وتقدر تغير في خيارات البحث بحيث انك تبحث عن اربع نجوم او نجمتين او عن شقه ..الخ..
اي سؤال بكون سعيد اني اجاوبك..

يعطيك العافية اخوي cross-legged
طيب وش تنصحني اذا ما لقيت فندق يناسبني في الشانز ودي ترتبلي مناطق ولنعتبر الشانز رقم 1
وياليت بالانجليزي عشان اعرف ااشر عليها من موقع بوكنق
ومشكور على المرور
تحياتي

1. انتم كم عددكم؟


2. وش حادني الله اسكن في صندوق صغير اسم انه في الشانز؟لا وبعد غاالي

انتم كم عددكم؟

شوف انا صراحه لسه مارحت..بطلع في 2 اكتوبر..وبحثت بحث كبيير جدا..كنت في البدايه مقرر اني اسكن بالشانز..بعدين كنسلت الفكره وقررت اقسم المده بين السكن في الشانز والسكن حول برج ايفل..بعدين تغيرت الوجهه والان حجزت في منطقة اللاديفانس..
منطقة اللاديفانس تبعد عن الشانز حوالي 4 كيلو..وتقدر توصل منها للشانز في دقائق عن طريق المترو..
وهي منطقه حديثه ويسمونها باريس الجديده..فيها عماير ومباني جديده..وبرضو فيها فنادق كثيره
والفنادق اللي في اللاديفانس ارخص من اللي بالشانز..واوسع..
كلما قريت عن فندق في الشانز يقولون كويس بس الغرف ضيقه

وش حادني الله اسكن في صندوق صغير اسم انه في الشانز؟لا وبعد غاالي

على فكره كلامي هذا مو عن تجربه ولا شي بس عن قراءة الكثير من المواضيع اللي بالمنتدى هنا وقراءة اراء النزلاء في موقع بوكينق
وفيه ناس ثانين يقولون لك لا والله السكن في الشانز افضل..ليش؟لانه الشانز فيه حركه الى ساعات متاخره في الليل..فلو ضاق صدرك تقدر تنزل من الفندق وتجلس لك في كفي الين الساعه 2 ولو بغيت ترجع للفندق يصير قريب..لكن لو كنت ساكن في اللاديفانس بتضطر انك تاخذ تاكسي لان محطات المترو تقفل بدري..والتاكسي شغلته مكلفه
الخلاصه..الناس غالبا يسكنون يا اما في الشانز..او في حول برج ايفل..او في منطقة الاوبرا..او في منطقة اللاديفانس..
انت حدد المنطقه في البدايه..وبعدين ابحث في فنادقها..واذا حددت فندق معين خلاص احجز فيه وحاول انك ماتلخبط نفسك زيي..خلاص لا تسال احد بعد ما تحجز لانه كل شخص بيعطيك راي جديد وكل شخص بيعطيك فكره جديده وبتحتار وبتحس ان الترتيب للسفر هم..
الله يوفقك ويسهل رحلتك..

احجز في ايبس ترى سعرة حلو بس ان غرفة ضيقة
ومنطقة اللاديفانس حلوة وبتعجبك والمترو في غير الويك اند شغال لغاية الساعة 1 فالليل والويك اند 3 بس حلاة باريس واوربا في نهارها يعني خل حدك الساعة 12ونص طالع لفندقك عشان بكرة تقوم بدري

Novotel Paris Tour Eiffel Hotel in Paris
ارشح لك هذا الفندق عن تجربه فهو قريب منايفل ومطل علي نهر السين وقريب من الشانز يعني محطتين بالمترو وانت في الشانز ومحطة المترو قريبة من الفندق وهذا الرابط للفندق
http://www.novotel.com/gb/hotel-3546-novotel-paris-tour-eiffel/index.shtml
واذا ترغب شقق فندقية فتوجد هذه الشقق

فهي ايضا قريبة من فندق النوفوتيل وتحوي نفس المواصفات ..وممكن زيارتها علي هذا الرابط
http://www.adagio-city.co.uk/paris/paris/paris-tour-eiffel-hotel_rental_394-2_fp?dated=2009-09-23&duree=1&code=QSH24
اقامة سعيدة باذن الله