1. السلام عليكم كيف حالكم اخواني واخواتي

السلام عليكم كيف حالكم اخواني واخواتي

اذا ممكن مساعدتكم انا تقريبا اخذت صوره عن سويسرا من خلال تقاريركم الاكثر من الرائعه او بالاصح احولت عيوني واستدار راسي=قلبتو راسي من حلى سويسرا وحلى تقاريركم
الزبده اني وحده بعد اللي شفته خلاص ابي اسافر وبداء مشوار الحن والزن على راس زوجي الحبيب واعطاني الاشاره بالموافقه بشرط ان تكون الرحله حلوه وغير مكلفه عاد نبي همتكم ياحلوين وان شاء الله ماتقصرون معي كعادتكم
بسم الله نبدأ
فالبدايه الرحله راح تكون انا وزوجي وولدي 7 سنوات بنص شهر سته جون والميزانيه بحدود من 25 الى 30الف وان حصل اقل افضل> ابي اسوي انجاز قدام عنتوري رحله حلوه ورخيصه
طبعا ماسوينا ولا شي لا فيز ولا حجز ولا شي اللي ابي منكم تنسقون معي الرحله علشان اشوف الحجوزات وان شاء الله تناسبناالاسعار يارب
مدة الرحله اسبوعين تقريبا ابي ازور فيها فرنسا وسويسرا 4 ايام فرنسا و10 سويسرا
من خلا ل التقارير اعجبن انترلاكن وزيورخ وديفون انا ما احب التنقل افضل اجلس بمكان واحد واروح للاماكن القريبه بالسياره فما ادري وش الافضل؟
خطتي انو الوصول سويسرا والعوده باريس ومن سويسرا لباريس بالقطار او الطيران الاقتصادي
الاسئله
1-من حيث ترتيب المدن الافضل الوصول زيورخ والجلوس فيها ثم انترلاكن ثم ديفون ثم جنيف باريس او جنيف انترلاكن زيورخ باريس؟
2- القطار ارخص اوالطائره للانتقال لباريس؟
3- الجو بنص 6 كيف ومتى شروق الشمس وغيابه ابي اعرف طول النهار؟
4-الاماكن السياحيه متى تسكر والاسواق؟
5-السياره في انترلاكن احتاجها اواستخدم القطارات اكثر؟
كثرة الاسئله بس استحملوني
6-الزحليقه الصيفيه تصلح للاطفال ولدي خواف يعني يركب لحاله او اركب انا وياه مع بعض لاني مافهمت طريقته بس حسيته حلوه؟
7-بالنسبه للقمه الثلجيه Jung fraujoch هي احلى والا منتجع التزلج اللي قريب من ديفون كولد لافو سي
cold de la faucille حبيت الثاني اكثر?
حاليا هذا اللي ببالي وماتقصروون 000