مافيش حد من اسكندرية و خصوصاً عند منطقة سيدى جابر يرد عليا ؟

ما تقلقش خالص الاوضاع الامنية الان جيدة خصوصا ان الاماكن التي ذكرتها ابتعد عن مدينة نصر و جامعة القاهرة في الجيزة لانهما فقط المنطقتان التي بهما الاعتصامات

أنا من الأسكندرية و الوضع الأمني أكثر من ممتاز

haissam_83
ههه يا باشا انا ساكن فى م.نصر فى قلب الحدث نفسه
و الافضل ليا طبعاً انى ارجع من مطار القاهرة عشان اجى من شيراتون على م.نصر مباشرة
بس اسعار تذاكر الطيران غليت جداً بصورة مبالغ فيها
يعنى لو سافرت على مصر للطيران رايح جاى من دبى الى القاهرة هاتعمل حوالى 6000 جنيه او اكتر
فلقيت فلاى دبى هى اقل حاجة رايح جاى حوالى 3000 جنيه
وانا الحكاية كلها نازل اسبوعين ان شاء الله او 10 ايام من بعد نص اغسطس ، فصعب اوى المبلغ ده ،، ربنا يسهل بقى

AlaaGhost
ربنا يكون في عونك والله ويفضوا الاعتصام ده قبل ماتنزل مصر .. بس ليه التذاكر غالية وي كدة لدبي طيب ماتجرب طيران الاتحاد او اي شركة طيران خليجية هتبقي ارخص من مصر للطيران بدل من النزول للاسكندرية

haissam_83
كل شركات الطيران غالية دلوقتى عشان احنا غى نهاية شهر اغسطس يعنى عودة المدارس و عودة المدرسين و العائلات من الخارج
و كمان عودة اللى اخدوا اجازة العيد و سافروا برة
لأنى انا سافرت قبل على الاتحاد رايح جاى فى شهر يناير اللى فات و رجعت فبراير و كانت التذكرة ب 2900 جنيه بس (رايح جاى)
و سافرت برضه قبل كدة بمصر للطيران رايح بس و كانت تقريباً فى حدود 1600
انما دلوقتى الاسعار نار
مصر للطيران فى حدود 6000
شركتى الاتحاد و الامارتية التذاكر بتاعة اخر شهر اغسطس و بعض ايام الاسبوع الاول من سبتمبر كلها مباعة اصلاً
و الاماكن اللى فاضلة سواء على الاقتصادية المميزة او درجة رجال الاعمال هاتدخل فى 7000 او 8000 جنيه
و الاسعار هاتبدأ تنزل من نص شهر سبتمبر
وبالنسبة للأستفسار بتاعك يا باشا على الخاص فأنا مش قادر ابعتلك لأن مشاركتى بالمنتدى لسة قليلة فامش مسموح ليا ابعتلك على الخاص
فهل تحب ارد هنا فى نفس الموضوع ولا تحب تبعتلى ايميل و ابعتلك عليه ؟

AlaaGhost
اه ياريت تقولي عملت ايه في الفيزا لو تكرمت يا كبير

اوف على ادارة مكتوب الفاشلة
بعد ما كتبت صفحة بحالها و عملت لينك فيه صورة بالموضوع
قالى لا يمكن ارفاق رابط خارجى لأن مشاركاتك لم تتجاوز 13 مشاركة و لما عملت باك كل الكلام اتمسح و انا ماعنديش طاقة دلوقتى اكتب الكلام و التفاصيل دى كلها تانى
سورى يا هيثم على بليل ابقى اعملك الموضوع تانى

AlaaGhost
ولا يهمك يا كبير هبعتلك ميلي ع الخاص