بناتي يا غناتي
وعليكم السلام ورحمة الله وبركاته
الوزن المسموح للشنط 32 كيلو والهاند باك تحملين شنطة واحده 7 كيلو والوزن الزياده تدفعونه عندهم بواقع تقريبا 570 بات للكيلو الواحد وهناك مكاتب شحن بالقرب من الكونتر الخاص بالطيران تدفعين فيه نص المبلغ ولكن الوصول خلال 5 ايام

شكرا اخوي الحوسني .. معلومة مفيدة ..

السلام عليكم
م.... ابي اسال عن الوزن الزايد في المطار .. لان يقولون كل شخص له 30 كيلو بس .. وانا رايحة معاي شنطة و زوجي شنطة ... بس وانا راجعة ؟؟؟ وش العمل؟؟؟ هل ممنوع زيادة الوزن ؟؟ ولا ادفع على زيادة الوزن؟؟؟
وكم شنطة يحقلي ادخل معاي للطيارة ؟؟؟ يعني رايحين بشنطتين .... وراح نرجع ب 4 شنط يمكن
عادي؟؟؟؟
هي هي هي هي هي والله ذكرتيني لماكنت بالمطار و قاعده ابطل الجنطه و حط اب كرتون :d
والله لا تاخذين جنطه كبيره اخذي شي صغير و لاتاخذين اشياء زايده معاج لانه ماراح تحتاجين ملابس حوسه ( نفس ما سويت :s ... ) اخذي شي عملي مريح ولاتاخذين وايد
عشان مايكون عندج وزن فلما اتردين جنطتك بتكون فااضيه و تقدرين تملينها
اتمنى افدتج

تفرق من خطوط لخطوط
مثلا آير آسيا عندهم 15 كيلو فقط لأنه طيران تجاري والزيادة تدفعي عليها كما أنك تدفعي أعتقد 100 بات على كل شنطة .
أنصحكم خلو المشتريات في المحطة لأخيرة أو بإمكانكم ترك بعض الحقائب لدى الفندق اللي بترجعوله وتاخذو احتياجكم فقط .
بالسلامه

فعلا تفرق من خطوط ل خطوط على أي خطوط رايحة وعلى أي درجة . يعني السعودية مثلا السياحي 20 كج ( شنطتين ل كل راكب في العفش ) + 7 كج شنطة صغيرة داخل الكبينة بس أهم شيء الشنطة تكون تدخل في الكبينة وطبعا محلات الشنط عندهم خلفيه عن مقاسات الكبينة لو حابة تسئليهم أذا تدخل الشنطة في الكبينة او لا ؟ لأنه اعتقد في مطار بانكوك يركزوا على مقاس الشنطة .
في الفندق الي بتسكني فيه أسئليهم أذا عندهم ميزان وأوزني العفش من بدري قبل لا تطلعي للمطار وزعي الوزن ودخلي معاكي في الكبينة شنطتين صغار ( شنطة لكل راكب ) .
مع التحية

شكرا اخوي سودير مان وعبدالوهاب .... انا رايحه على الاتحاد .. بزنس كلاس :kashkhah: .. اعتقد كل واحد 30 كيلو .. انا وزوجي .. واحنا رايحين كل واحد معه شنطة ... بس واحنا راجعين .. :7: كل واحد شنطتين .. غير الهاند باج

ما شاء الله بزنس كلاس يعني لكم 50 كيلو لكل شخص ...الله يعطينا و نسافر على الدرجه السياحية بالطيران الكلاس.. ملينا من السفر على العربية او ريان اير او ايزي جت او اطلس بلو
تحيه

انا سافرت على الاتحاد طيران اعقد و وايد متساهلين بالوزن
لاتشيلين هم كلشش و مايوزنون الهاند باق نفس باقي الخطوط وايد راقين

كاونتر الاتحاد بمطار بانكوك متسامحين مره ومايدققون
كان معنا وزن زايد عن المسموح 22 كيلو ومشونا ولاقالوا شي
ودخلنا معنا الطياره 3 هاند باج ثقيله تكسر اليدين كل وحده اكبر من الثانيه
مدامك بالبزنس كلاس مااظن انك بتشيلين اكثر من 50 ك للشخص
بالتوفيق