ياشباب وين الردود
وين اهل الخبره؟؟؟
غريبه كنت اتوقع الجميع ومن لديهم الخبره الرد
جزاكم الله خير الجزاء
بانتظار البقيه

السلام عليكم ورحمة الله وبركاته
بما أني مسافره ثلاث مرات للهند فحبيت أخبرك أنه أغلبية الهنود يتكلمون عربي
سواء بالفنادق أو المطاعم و الأسواق وهي صح مومباي بتشوف فيها وصاخه بس
صدق ترتاح بها وبمحلاتها من اللي تبيع الملابس الخليجيه والعود ودهن العود
وبخصوص الأمان آمنه ميه بالميه وما عليك من الأفلام
وبخصوص الرحلات تروح كندالا منطقه جبليه كلها خضره وشلالات ومهابلشور هذي في قمم الجبال
خمس ساعات بالسياره عن منطقة كلابا بمومباي ومنطقة غوا بشواطئها الساحره وايد روعه تروح لها بالطياره من مومباي
والمسافه بين مومباي ونيودلهي بعيد وايد فتحتاج طبعا طياره
وحبيت أقولك السياحه في الهند بشهر 7 و8 وايد أحسن تكون الدنيا مطر وجو معتدل وحلو وكلها خليجيين وأكثر شي الإماراتيين بهذا الشهرين
وهذا اللي عندي وإن شاء الله يساعدوك الخبراء في هذي البوابه
والله يوفقك

السلام عليكم
حبيت أساعدك بما أني عندي خبره بالهند وبخصوص الهنود هناك كلهم يتكلمون عربي
بالفنادق والمحلات والمطاعم وبضايعهم روعه عود ودهن عود وجلابيات حلوه
والمناطق حلوه كندالا أمطار وشلالات وخضره هذا بشهر 7 و 8 ومنطقة مهابلشور
تبعد 5 ساعات بالسياره عن كولابا بمومباي ( كولابا منطقة الخليجين ) وكندالا تبعد 3 ساعات عنها
ومنطقة غوا روعه بشواطئها الساحره بس عاد يبالك طياره تروح لها من مومباي
وإذا تبا فنادق بدلك وبأسعارها بعد
وإن شاء الله الأخوان يساعدونك
وأي سؤال أنا حاضره

الف الف شكر عروس
جعلها الله في موازين حسناتك
ورزقك ماتتمنين انشالله
مشكوره يالغلا

مشكور كنج سفر على الدعوه الحلوه وأي سؤال أنا حاضره
بخصوص الفنادق والمحلات وغيره
آسفه طلع الرد مرتين على بالي المره الأولى ما ظهر

الاسطوره
اثلجتي صدري بكلامك ومساعدتك الروعه
وانتي الوحيده اللي رديتي على موضوعي
والله العظيم ان رفعت يدي ودعيت لك من كل قلبي
مشكوره يالغلا
بس لو انتي بمكاني شلون ترتبين جدول لمدة عشر ايام؟؟
يعني اعطيني جدول بما ان لك خبره خلال عشر ايام
وابي اسماء الفنادق الحلوه ال 4 نجوم؟؟
الله يعينك علي

كنج سفر
أهلين أخوي..
اولا..هل هناك مرشدين سياحيين يتكلمون اللغه العربية؟
أكيد فيه بس للأسف ما أعرف ولا واحد! بس يا ليت لو عندك لغة إنجليزية ولو بسيطة لأنها مهمة جدا.
ثانيا..اريد معلومات عن جميع الاماكن السياحيه هناك او بالهند عامه؟
"جميع الأماكن السياحية"!! يبغى له موضوع كامل و خاص من كثرتها.
ثالثا..الوضع الامني هناك شلون؟؟
الوضع الأمني ممتاز ولا تخاف و خليك مطمئن بس لا تروح الأماكن القديمة و الغير المعروفة.
رابعا..ارجو من لديه الخبره فيها ان يضع لي جدول خلال هذه الايام بالنسبه لبومباي ونيودلهي والهند عامه؟

• مومباي: يومين
• مهابلشور "Mahabaleshwar": يومين (منطقة طبيعية وسياحية حول مومباي) >> الذهاب إليها بالسيارة أو الحافلة.
• غوا: ثلاث أيام >> الذهاب إليها بالسيارة أو الطيارة أو القطار أو الحافلة >> ثم الرجوع إلى مومباي
• مومباي: يومين (تسوق فيها و زر المراكز التجارية (المولات) و اذهب إلى الأماكن التي تريد فهناك الكثير للرؤية). ******** اليوم الثالث سيكون عندك السفر للرجوع إلى بلدك.

خامسا..برأيكم هل اقضي طوال الفتره هذي في بومباي فقط او اذهب لنيودلهي ومدن اخرى؟؟
ذكرت لك الجدول فوق .. و مايحتاج يحتاج تروح نيودلهي لأنها بعيدة وراح تتعب.
وهل المسافه بين هذه المدن بعيده او قريبه؟؟
مثلما تعلم الهند بلد كبير جدا و تختلف فيها المسافات بين المدن وراح أذكر لك المسافة للمدن التي ذكرتها في الجدول.
مومباي >>> مهابلشور (220)
مومباي >>> غوا Goa .. 600
=========
الخلاصة أن المدة اللي عندك هي ليست كافية لرؤية ربع الهند بل هي هي كافية لرؤية جزء صغير من الهند ،، و هذه بعض المواقع الهامة و خاصة لمدينة مومباي و إن شاء الله تستفيد منها:
الموقع التالي سيساعدك في الوصول إلى الأماكن التي تريدها: مثل: (محلات،مطاعم،أسواق،الترفيه وغيرها..)
http://www.mumbaisuburbs.com/directory/
موقعين آخرين:
http://www.mumbaihub.com/index.html
موقع لمدينة مهابلشور:
http://www.mshwar.com/
و أي استفسار أنا موجود ..تقبل تحياتي

سفير الهند
عشت يالذيب
ماقصرت يالغالي
رزقك الله الجنان..والحور الحسان بأذن الله تعالى
وعندي استفسار يالغالي.,.كندالا وكلابا
على مافهمت من الاخوان انها روعه
شرايك فيها انت؟؟ لأني اول مره اسمع فيهم
ولاادري هم اصلا مدن سياحيه او ايش
وهل اضيع ايام فيهم اولا؟؟
ثانيا..اول يومين اقعدهم ببومباي
وين اروح؟؟يعني هل فيها مناظر طبيعيه
او مراكز تجاريه ومباني ضخمه؟؟
او ماذا؟؟
ثالثا.. وش رايك بكيرلا وكشمير ..هل هما بعيدتان ام قريبه
هل هي حلوه تستاهل ان الواحد يجيها؟؟
مشكور يالغالي