اكتب لكم تقريري عن رحلتي للهند لمدة شهر ولكن ارجوا المعذرة لأني جالس ارتب الصور وان شاء الله انزلها قريبا ً.
في البداية كان الحجز مؤكد على الخطوط الهندية ذهاب والعودة انتظار وهذى اكبر غلطة كان مسار الرحلة من الرياض دلهيوانتظار ساعةونصف في المطار وبعدها دلهي بومبي وننتظر رحلة داخلية من بومبي الى كوتشين المهم المفروض نجلس 4 ساعات في انتظار الطائرة والخطوط الهندية بصراحة في بلدهم يأخرون الطيارات بكيفهم المهم جلسونا 5.40 خمس ساعات واربعون دقيقة وكان التعامل من قبل موضفي المطار مقبول في مطار بومبي اخيرا ً جات الطائرة وبالرغم أن الحجز لدينا درجة أولى فتعامل الموظفين هناك كان تجاهل كامل لنا ويقومون بالسماح لأفراد الدرجة السياحة للدخول للطائرة المهم بعد مشاكل سمحوا لنا بالدخول مع العلم اننى لا زلت ألبس الزي السعودي دخلنا الطائرة طائرة صغيرة وحالتها مزرية وصرت اتمنى لو ان الرحلة دايركت على كوتشين في النهاية وصلت الطائرة لكوتشين بعد ما قضينا في تنقلات الطائرات 19 ساعة تنقلات وانتظار كان معاي عامل هندي على كفالتي والصراحة اني دلعتة هنا عشان يحرص علينا هناك وعامل ثاني كان بانتظارنا هناك طلعنا من مطار كوتشين وبصراحة شفت منظر الهنود في صاله الاستقبال شكلهم يروع والجو حار ورطوبة وذلك لأن كوتشين مدينة ساحلية كنت والقروب اللي معي تعبانين مرة ونبي نرتاح وننام دورنا اقرب فندق واستاجرنا في فندق Abad Plaza سويت وهو فندق ثلاث نجوم الاسعار لمواطنيهم باسعار تعتبر رخيصة جدا ولكن لما يعرفون انك سائح تطلع التسعيرة من الدرج للسياح استاجرنا يوم واحد ب 110 دولار سرير مزدوج في الغرفة والصالة طلبنا 2 اسرة اضافية وكل واحد بحسابة .
اليوم الثاني استأجرنا سيارة Enovaتويوتا 2006 م عشان نروح لولاية أوتي ومشينا المغرب تقريبا كان سعر ايجار السيارة اسعار خيالية 500 ريال سعودي واضطرينا ندفع طلعنا اوتي المسافة ما كانت بعيد حدود 300 كيلو ولكن اخذناها في 13 ساعة شوارع رديئة ومسار ونصف ماراح اقول مسارين ولا مسار واحد عشان ما اظلمهم المهم الطريق اللي يقابلك فية باص او تريلا لا زم واحد يطلع برا الخط وعلى فكرة سعر السيارة بمكيف يختلف عن سعرها بدون تشغيلة وصلنا بداية الطريق في صعود الجبل للوصول لأوتي مع بدياية شروق الشمس الارض خضراء من كل مكان وفي كل اتجاة وصلنا اوتي وذبحنا البرد وكل ما نطلع فوق كل ما زاد البرد أكثر وصلنا أوتي واول ما وصلنا قلطنا عند العامل في بيته وجاب شاهي وما قصر ولكن بيتهم كان غرفة ونصف وصغير جدا هذا بيوت المساكين عندهم طلعنا ندور فندق كل الفنادق القريبة من 2 - 4 نجوم واتحدى احد يقدر يسكنها طلعنا ل هولدي ان بارك
استأجرنا غرفتين وقيمة كل غرفة ب85 دولار لليوم وهذا عرض لمدة ثلاثة ايام واربع ليالي كل يوم ب 85 دولار شامل الطعام والشراب والعياذ بالله مينى بار مجاني بعد ثلاثة ايام استأجرنا فلة جديدة دورين وبخادمة ارضيات رخام ومجهزة بتجهيز رائع وكان العيب الوحيد فيها ان بها معبد للهندوس جلسنا فيها 13 يوما وكان ايجارها ب 400 ريال والعيب الوحيد بها ان اكثر اهلها هندوس ومسيحيين اما بالنسبة للكل اللي عندة اي مشاكل مع الفلفل الله يعينه مافية أكل عندهم نشتري ذبائح هناك ب 45 - 50 ريال وكل ذبيحة يومين وتنتهي ههه خبز ما فية رز زي عندنا ما فية المتوفر توست وبيض ونادرا تلقى جبن المهم استأجرنا سيارة Enova وهي من افضل السيارات لديهم وكان الاتجاة الى كالي كيت او كلكتا كما يطلق عليها البعض هذى المرة طلعنا في النهار الساعة 1 ظهرا نبي الطبيعة والجو الزين ومن اول ما تحركنا وهي تمطر والدنيا خضراء والاجواء بصراحة في اوتي رائعة وهي فعلا جنة الله في الارض في طريقنا الى كالي كيت او كالكتا كان من الظروري ان نعبر محمية طبيعية بين اوتي وكالي كيت فيها من جميع انواع الحيوانات البرية نمور واسود وفيلة وغزلان وجواميس برية وخنازير اكرمكم الله وطيور ولمسافة 40 كيلوا عالم من الخيال وبعدها مررنا بمدن وقرى عند رؤية اهلها للزي السعودي يعاملوننا كاننا مشاهير وكل يريد بذل ما يستطيع في سبيل ارضائنا صحافيين قامو بالتصوير ونشروها بالصحف لديهم والمهم عطوا ابو السعود جوة في مرة صادفنا الماني وسأل العامل تبعي هل هذا مشهور بسبب تجمهر الناس حولي فقال لا بل لانه سعودي وقادم من ارض الحرم .
قمنا بشراء عسل طبيعي ب 9 ريال سعودي للكيلوا الواحد واستمرينا في طريقنا .
بحثنا عن سكن بسعر معقول وما لقينا في كالي كيت فندق Le Mardian ب 360 دولار للغرف الواحدة للشخص الواحد وفندق Taj ب 295 دولار للغرفة هذا بالنسبة للفنادق الخمس نجوم أما بالنسبة للفنادق الاخرى استاجرنا فندق 4 نجوم جديد بسعر 110 ريال لليوم للغرفة الواحدة لشخصين جلسنا هناك يومين بفندقevano Est ولكن الجو كان حار ورطوبة واضطرينا نرجع اوتي ونجلس فيها ثلاثة ايام وطلعنا من اوتي بعدها وكان اتجاهنا المرة هذى الى كوتشين قطعنا الطريق الى ان وصلنا الى كلمبتور تعشينا هناك وكملنا مشوارنا الى كوتشين واستاجرنا في فندق Grand وكان بصراحة فندق رائع جدا ً اسعار ممتازة وخدمة ممتازة وسكنا فية 3 أيام وهو فندق 4 نجوم وبعدها استأجرنا في فندق Hirbar Viwe ب 100 دولار لليوم الواحد وسكنا فية لمدة اسبوع ونصيحة في جميع هذا الفنادق لا حد يستخدم تلفوناتهم الثابت ولا احد يستخدم شبكة Air Tell للجوال افضل شركة Hutsh وطلعنا نبي نأكد حجزنا نبي الرجعة لديرتنا وكانت المصيبة حجز عودة مافية بذنا الجهد وما فية عودة على الخطوط الهندية الاجازات بتنتهي ونفصل من وظائفنا وكان الحل الاخير الخطوط السعودية وكانت جميع الرحلات فل وبعد ثلاثة ايام اول امكانية حجز انتظار تفتح بمكتب السعودية ثلاثة مقاعد على الدرجة الأولى ولكن دايركت الى الرياض قيمة التذكرة على الخطوط الهندية ذهاب وعودة 2450 ريال والخطوط السعودية عودة فقط 2350 ريال عودة وهذا بعد ما تعبنا عشان نأكدها وبصراحة خدمة مكتب السعودية هناك فاشلة وما يتعاملون ببطاقات الفيزا وماستر كارد ما عندهم شبكة واللي يبي يصرف فلوس ومن دون نصب يصرف في بنك Hsbc لانك لما تبي تصرف كل اللي حولك يطيرون عيونهم يبون فلوس وجاء يوم الرحلة واستاجرنا بفندق مقابل المطار 3 نجوم بس رائع ب 100 دولار سويت وطلعنا المطار قبل الرحلة بثلاث ساعات ولان التذاكر درجة أولى جلسنا بصاله Vipلركاب الدرجة الاولى ودخلنا الطائرة وكم كانت الفرحة بشوفه هل ديرتي وشباب الخليج الموجودين معانا بالطائرة والمضبفين واخيرا ً عدنا للسعودية وهذي الرحلة للهند بكامل تفاصيلها ونصيحتي للي بيروح الهند يزور اوتي ومناطق ما رحتها وهي بنقلور وميسور والسلام ختام . وقريبا ان شاء الله بانزل الصور ومقاطع الفيديو