بالنسبه للسكن اعطيني تواريخكم وانا اعطيك شقق حلوه واسعارها ممتازه سواء في زيلامسي اوكابرون
سالزبورغ من رايي انك تسكنين فيها من ليلتين الى ثلاثه ليالي عشان ما تكون المسافه كبيره عليكم من زيلامسي الى سالزبورغ يومين على الاقل

حبيبتي بنت حوااء دايما انتي السباقة بالمسااعدة جزااج الله خيير ...
شووفي أنا امحطة الأولي راح تكوون ميونخ من 2/7 ( الوصول ليلا ) طبعا راح نحسب ميونخ من 3/7 و لمدة 4 ليالي فنقول اننا راح نطلع متوجهين الى النمسا في يوم 7/7
السؤال : هل 4 أيام كافية لميونخ ؟؟؟؟ اذا الإجابة نعم فراح نكون بالنمسا يوم 7/7 ان شاء الله و لمدة 6 أو 7 ليالي حسب الجدول المقترح للنمسا

وشنو تقترحين لما نطلع من ميونخ نتوجه أول لسالزبورغ ؟؟؟
و شنو في هالمدينة من أنشطة و فعاليات و ترفيه و أهم الأماكن لزيارتها ؟؟؟؟
و إذا بقعد فيها راح أقعد ليلتين فقط ... و بعدها أتوجه لكابرون .. ابي السكن في كابرون ..

انا افضل دام وصولكم بالليل في ميونخ تنامون ذيك الليله هناك ومن الصباح اليوم الثاني تروحون سالزبورغ وافضل تكون 3ليالي لان ليله تقضونها داخل سالزبورغ وليله تروحون للبحيرات القريبه منها وليله تروحون العاب قريبه من سالزبورغ تبعد 27 كلم
وبعدها تروحون 7 ليالي الى زيلامسي او كابرون
وبعدها ترجعون لميونخ وتقعدون 3 او 4 ليالي الباقيه كويسه للتسوق وزياره بعض الاماكن في ميونخ عشان كذا خليت ميونخ بالاخير عشان ماتثقل عليكم الشنط وتتعبون من السوق
اذا عجبك المخطط انا عرفت انه وصولكم يوم 3-7 اعطيني متى العوده

العودة يوم 24/7 و أبي أزور دولتين ثانيين بعد ... يعني النمسا و ألمانيا ..
وودي (بإيطاليا أو سويسرا) مع فرنسا
و بالنسبة للمسافات مو مشكله بالنسبة لنا حتى لو أكثر من 5 ساعات بالسيارة ...
و بالنسبة لسالزبورغ ما يصير البحيرات و مدينة الألعاب بنفس اليوم ؟؟؟
وبالنسبة لكابرون شنو الأماكن اللي لازم أزورها و الفعاليات و الأنشطة ؟؟؟؟
أنا مترددة بالنسبة لسويسرا وودي بفينيسيا أكثر .... شرايج ؟؟؟؟؟؟
يعني أطلع من النمسا على ايطاليا ....
الحين وصلنا ل 4 ليالي بميونخ ( من 3/7 الى 7/7 ) .. ليلتين بسالزبورغ ( من 7/7 الى 9/7 ) .. 6 ليالي بكابرون ( 9/7 الى 15/7 ) ... فينيسيا (15/7 -19 /7 ) - باريس (19 /7 - 23 /7 ) ...و طبعا 24 العودة للكويت

انا ما اعرف ايطاليا ابدا بس اللي اعرف انه فينيسيا ماتستاهل اربعه ليالي لانها كثيره عليها
ما تنفع الالعاب مع البحيرات بيوم واحد معناته تروحين للالعاب القريبه من زيلامسي والقريبه من ميونخ فقط
وممكن تروحون لديزني لاند في باريس
4ليالي ميونخ - ليلتين سالزبورغ - 6 ليالي كابرون - 4ليالي فينيسيا - 5ليالي باريس
لازم تطلعين من فينيسيا الى باريس طيران طبعا
نصيحتي لك لاتنزلين اكثر من موضوع في كذا بوابه ترى راح تتعبين وتتشتتين وكل واحد يقولك راي وتوهين اكثر
وكمان نصيحتي لك خلي الوصول الى باريس والعوده من ميونخ خصوصا اذا تبغينها للتسوق افضل

هلا اختي مشكورة على النصاايح ....
بالنسبة للحجز قلت لزوجي اذا في مجال نغير فقال بشووف يراجع المكتب ...
بالنسبة لفينيسيا انا محتارة بين فينيسيا و مدينة ثانية قالولي عنها قريبة اسمها (لزيز ) مادري اذا في احد سامع عنها ...

يا جماعة شوفوا الجدول النهائي للرحلة ....
الوصول ميونخ 2/7 ليلا ...
1- ميونخ : من 3/7 الى 7/7 (4 ليالي )
و منها الى كابرون ( ساعتين و نصف تقريبا السيارة )
2- كابرون : من 7/7 الى 12/7 (5 ليالي )
و منها الى لزيز ايطاليا ( 4 ساعات و نصف بالسيارة )
3- لزيز : من 12 /7 الى 16 /7 (4 ليالي )
و منها الى جنيف (5 ساعات تقريبا بالسيارة )
4- جنيف : من 16/7 الى 18 /7 ( ليلتين )
و منها الى باريس ( 5 ساعات بالسيارة تقريبا )
5- باريس : من 18/7 الى 23 /7 (5 ليالي )
و بالأخير الرجووع الى ميونخ و الاقامة ليلة واحدة بالقرب من المطار
والرجوع للكويت يوم 24 /7
ادري المسافة بعيدة من باريس لميونخ بس احنا ماعندنا مشكلة و زوجي عاادي عنده و انا راح اطلع لي رخصة قيادة دولية اعاونة بالقيادة ....
بالنسبة لرست شلتها من بالي لان اليهال راح يكونوون متشبعين من ديزني لاند ...
و لزيز واايد مدحووها لي من ناحية الونااسة للكبار و الصغار فيها موفي لاند و وايد اشياء ...
الحين ابي من الخبراء يسوون لي جدول في النمسا .. و بالنسبة لسالزبورغ بزورها يوم واحد كامل فبغيت أهم أهم الأماكن اللي ماتتطوف .. مو إلا كل شي بس بغيت جدول لل5 ليالي كامل ... من الصبح لي الليل ... و مشكورين ... و يا ليت الأخ بو عمر يبدي راايه و يفيدني

مافي مساعدة ؟؟؟؟؟؟
وينج بنت حواء ؟؟ ووينك بو عمر ؟؟؟؟