Miro Sama
17-11-2022 - 03:38 am
السلام عليكم
السفر إن شاء الله بيكون على شهر أبريل 2014
في البداية كنت ناوية يكون بالنمسا وسويسرا والمانيا
وبعد مشاورة الأهل، حذفوا سويسرا من القائمة، وعشان نوازن بين رغبات محبين الطبيعة والتسوق ، طلعنا بخطة جديدة، حابة تساعدوني فيها عشان ابي ابدا بحجز التذاكر والفنادق من الآن وإذا عندكم فكرة عن الاجواء بابريل
فيينا 3 أيام
سالزبورغ يومين
ميونخ + قارمش 3 أيام
فرانكفورت عشان اقدر ازور اليوروب بارك 3أيام
فينيسيا يومين
ميلانو يومين
وبعدها بطيران اقتصادي لباريس 4 أيام
مدة الرحلة من 20 يوم إلى 23 يوم على أقصى حد
رجاء ساعدوني لأن هذي اول مرة اروح اوروبا
وضايعة بالتخطيط جدا
عددنا 4 بالغين
وطفلة
ومفكرين نستأجر سيارة للنمسا وألمانيا،
بس مترددين في إيطاليا وفرنسا إذا نحتاج السيارة أو لا!
ملاحظة: الأيام كتبتها بشكل تقريبي لأني لسه ما استقريت
على شيء
تبون يوروبا بارك ما يحتاج تروحون فرانكفورت .. توجهوا ل Rust ..
اذا تبون ايطاليا خلوها قبل Rust
فينيسيا تقدرون توصلونها من زيلامسي .. بس مدري ليش ماني شايف زيلامسي في المخطط مع انها اجمل والمتعة فيها اكثر من سالزبورغ !