O-Murad85
عليكم السلام
نصيحة نصيحة نصيحة
اذا حصلت هالجهاز بميونخ أخذه واترك الجارمن
تفضل http://www.navman.com/shop/index.php

khaled_dashti
جزاك الله خيير و ماقصرت
بشنو يختلف عن الجارمن هالجهاز؟

O-Murad85
المواصفات اللي فيه روعه يعطيك كل صغيرة وكبيرة بالشوارع
الجهاز مستخدم باوروبا اكثر من الجارمن
تقدر تروح لأي مدينة بدون ادخال العنوان فقط اسم المدينة
كل تفاصيل المنطقة يعطيك اياها بالتفصيل
انا جربت أغلب أجهزة الجارمن وهذا يفوقها بعشرات المرات
ما كنت مصدق اللي قالي عنه ويوم جربته شفت الفرق شاسع بينهم
ورخيص جدا بمحلات بكارفور بفرنسا
اذا بتروح ستراسبورغ راح تحصله عندهم

khaled_dashti
جزاك الله ماقصرت والله شيشتني عالجهاز و فعلا سعره 40 يورو حتى ارخص من خرايط الجارمن
انا عقب باجر راح استلم السياره من ميونخ و عقبها بروح روست و بمر على ستراسبورغ
شكلي باجر بدور عليه بميونخ و ربك يسهل ان شاءالله
الف شكر اخوي ماقصرت

اذا معك اي فون او اي باد حمل عليه برنامج توم توم للملاحه وخليه على الاقل احتياط وبالنسبه لتحديث الخرائط من قالك لازم تحدث ؟؟؟؟ انا السنه هذي مسافر بخرائط 2011 وشغال المقصود بالتحديث في حال طلعت شوارع جديده او عناوين جديه اوتقع ممكن يشتغل معك بس الاعدادات عندك تحتاج تضبيط افتحها واختر خرائط اوروبا يمكنك ناسيه ومخليه على خرائط الشرق الاوسط او الطرق البريه او الانتقال مشي مو سياره ...الخ ؟؟!!!! تحياتي

daayem1
جزاك الله خير على مرورك
والله الاعدادات كلها سليمه بس مادري شسالفته ماشتغل
بس الحمدلله بعد عناء طويل مع هالجارمن ما اشتغل بس السيارة فيها نيفيجيشن
بس لما ارجع بالسلامه بشوف سالفة هالجارمن لان بهدلني عدل و لا اشتغل
بس الحمدلله ماتحسفت على شي لاني اعتبرها كلها خبرات مكتسبة عن تجربة
تحياتي

اخوان
شلون اطلع احداثيات اي مكان ابيه ..؟
الحين حاولت اطلع احداثيات هذا الفندق ما عرفت
Zentrum an der Hauptwache

رح الي البوكنق وحذ احداثيته من الخريطة حقتة وبعدين سو هذي المعادلة ونزلها بالقارمن
للتحويل من القارمن إلى القوقل إيرث = رقم الإحداثية ÷ 1000 × 60
و للتحويل من القوقل إلى القارمن = رقم الإحداثية × 1000 ÷ 60
و عشان أسهلها عليكم هذا مثال إحداثية الكعبة في القوقل إيرث هي :
n 21.06 "21 "25
e 34.38 "39 "49
و إحداثية الكعبة في القارمن هي :
n "21 "25 351
e "39 "49 573
لو لاحظت الأرقام الحمراء ثابتة ما تغيرت أما الأرقام السوداء هي اللي طبق عليها المعادلة السابقة كما يلي
للتحويل من القوقل إلى القارمن
1-06 × 1000 ÷ 60 = 351
4-38 × 1000 ÷ 60 = 573
للتحويل من القارمن إلى القوقل
1÷ 1000 × 60 = 21.06
3÷ 1000 × 60 = 34.38