ريما عادل 20
14-09-2022 - 11:24 pm
السلام عليكم ورحمة الله وبركاته
رحلتي الخميس ياجماعة والاوضاع الامنية لخبتطنا
المهم اختي تقول مسافرين مسافرين الله لايعوق بشر لو اهج لحالي
الزبدة
ابي سكن ..
مدري وين اسكن
انا زرت تركيا قبل 10 سنوات وقت الزلزال
ومااذكر الاماكن مرره
اذكر واحد لعب علينا حجزنا من هنا واكتشفنا ان الاوتيل جنب المطار هوليدي ان
وع
اعرف تقسيم ومنطقة بايزيد والسلطان احمد ايا صوفيا وطقتها واعرف جزر الاميرات بس مااعرف اللحين كيف اروح لهذولي كلهن
ابي سكن يكون في وسط البلد قريب لكل شي
6 بالغين وطفلين
يكون نظام فندق يعني مثلا اجنحة فندقية غرفتين وصالة
واهم شي يكون فيه سيكورتي وامان وطبعا الافطار اهم شي
ابي برضه تعلموني كيف اصرف الفلوس
يعني مثلا معي 25 الف ريال اصرفها كلها كاملة من هنا يورو او دولار
وهل اصرفها من البطحا مثل ماقالولي بعض المبتعثين والا من الراجحي ومحلات الصرافة
ثم احولها تركي في المطار ؟
او اصرف هناك
او وش اسوي
الشي الاخير .. ادري ازعجتكم تحملوني انا ابوهم بالسفره
وش الاماكن الحلوه
امي تبي تسانس .. هل تعرفون ترابيا ؟
أي منطقة خضرا فيها كوخ وتكون قريبة من اسطنبول يعني نروح ونرجع بنفس اليوم
لان امي خوافه ماتبي تبعد .. نزلت في منطقة وحده خلاص ماتطلع لديرة ثانية
والله يجزاكم خير ويسهل اموركم
ايه صح نسيت .. زمان اذكر ندفع 20 دولار فيزا مدري وش بالمطار
هل للحين فيه كذا ؟؟
ابي استاجر سواق مع سيارة فان مرسيدس من المطار للمطار
ابي سواق امين وكم تقريبا سعر اليوم