انصح بانكم تاخذون سيارة مع سائق ليوم كامل اريحلكم
طبعا الجو بيكون بارد وفي شي من الثلوج وبالنسبة للملابس اخذي ملابس ثقيلة ولا تنسين الشمسية عن المطر
اما المناطق مدينة الشاي ريزا وايدر وصوميلا وسلطان مراد وفورم مول واعتقد فتحوا مول جديد عند فندقكم نبي منج صور له وتقرير عنه

جزاك لله خير اخي ( اوزنجول التركية ) لو سمحت هذة المناطق قريبة من منطقة الفندق ولا نحتاج مواصلات تكسى ولا باص وهل يوجد فيها مواصلات تانية سامحنا على الاطالة بس اول مرة اروح تركيا وانا المخططة لهذة الرحلة وخايفة اتفشل مع ابو ألأشباب حتي الفنادق انا مختارتها والله يستر بس هو متعود على المكاتب السياحية يرتبوا الحجوزات ويرح وهو مرتاح هذي المرة غير كل شي عن طريق النت حجز الطيران التركي والفنادق على الصور الموجودة في موقع بوكينج فرحلتي حتكون 4 ايام في اسطنبول و5 تربزون والعودة الى اسطنبول 4 ايام فاي نصيحة عندك لا تبخل علينا فيها وجزاك الله خير على سعة صدرك وسمحنا مرة تانية

اختي انصحك على طول الى اوزانقول ولا تجلسو يوم في اسطانبول اذا كنتم من عشاق الطبيعة كثر ما قريت ودخلتا على اليتيوب اتفرج على اوزانقول صرت اتحلم فيها هي واريزا اسطنبول زحمة وازعاج بس اوزانقول دجنه من جنان الله والي شبها ديرة اسمها زلامسي في النمسا انصحك لاتظيعي وقتك في اسطنبول

شكرا اخي على ألنصيحة بس خلاص اتاكدة الحجوزات والسفر االاسبوع القادم ومشاء الله عليك عجتك اوزنجول وانت لسة مارحتها بس ترا الصور تخدع احيانا عقبال ماتروحها وتشوفهاعلى الطبيعة احلا من الاحلام

اختي من ناحية الجو فهو بارد جداً بحكم اني متواجد الان باسطنبول لكن على ماسمعت ان بعد اسبوع راح تبدا درجة الحراره بالارتفاع لكن اذا معكم أطفال ثقلي الملابس واوزنجول بعد يومين راح اكون فيها ان شاءالله والجو هناك على ماقريت لاخوي باقر ( ابو عاصم ) انه ثلووج وبرد شديد

اختي بطة جدة
سعر استئجار سيارة ليوم كامل في اسطنبول 150 دولار مع السائق
تكلفة التاكسي من اوزنجول الى طرابزون (المشوار فقط) 120 ليرة
تكلفة الباص من اوزنجول الى طرابزون او العكس 10 ليرات عن طريق محطة الباصات في طرابزون واسمها اوتوجار
هذا اللي اعرفه ...... اتمنى اكون افدتك

جزاك الله خيرا اخي ابراهيم توصل اوزنجول بالسلامة وتتمتع بالثلوج بس لاتنسانا باخبار البرد هناك ويارب ألحق اشوف الثلج وعندي سؤال هل الجو في تربزون زي اوزنجول ولا اخف ؟
اخي أبو حميد 10 جزاك الله خيرا والله يسهل لنا ولك هذة الرحلة و تكون من اجمل الاجازات

يا اهلا باهل جده انا الان في اوزنجول ومع بداية مايو اتوجه ان شاء الله الى استنبول .
الجو هنا متقلب . صباحا بارد وثلج وفي الضحى ضباب وامطار ومع الظهر دافيئ وفي الليل امطار وضباب .
لكن الطبيعة خيال بدأت الزهور في الخروج من تحت الارض . اهم شئ لكم وللصغار الصوف الداخلي الملاصق للجسم وجاكيت خفيف ابو غطاء . لاثقلوا على الصغار حتى لا يطفشوا من اللبس . بالتوفيق .

أنا الان في طرابزون والجو روعه وبكرا ان شاء الله من الصباح راح اكون في اوزنجول حجزت على الباص عن طريق فندق نوفيتيل ماقصروا معاي وراح أوافقكم ان شاء الله بالأخبار مع ان المفروض ما اقول هالكلام دام أخونا ابو عاصم موجود ( اذا حضر الماء بطل التيمم )