السلام عليكم ورحمه الله وبركاته
حبيت افتح هاالموضوع عشان كل اللي لسه راجعين يعطونا ارئهم بكل
صراحه بايطاليا .....
ويذكرون كل مدينه زاروها والاوتيل اللي سكنوه مع السعر..
ورايهم بالمدينه اللي زاروها والسلبيات والايجيبات كلها لازم تنذكر..
وبرضه الاخطاء اللي وقعوا فيها وينبهون الناس عشان ماتتكرر الغلطه..
وبرضه عن احلى المحلات والشوبينغ بميلانو على الخصوص..
واي شي بنفسهم ودهم يقولونه
انا بابدى بنفسي على مااخلص من تقريري
انا زرت للأسف بس ميلان طبعا خفت من تحذيرات الناس من ايطاليا
والايطالين اللي ماشفت مثلهم بصراحه يجننون مره بشوشين وطيبين
سكنا باوتيل دي كافريري جدا رائع والسعر كان ب720 بالليله مع الافطار
تقيمي له من ناحيه النظافه والاستقبال والفطور وكل شي 10 10
يبعد خطوات من الدومو واللي عجاز فيه مترو يمر من عنده ممكن تستخدمه لحظه وانت بالدومو
رحت لسيرفالي ومن الاخطاء اننا مارحنا معهم بباصاتهم فتشحططنا شوي
بالقطارات وضاع علينا اليوم وتعبنا
من الاخطاء ان يومين ماتكفي لميلان رحت وانا مره متعلقه فيها وكان ودي اكنسل سويسرا وباريس واكمل رحلتي بايطاليا اللي حبيتها مره
سمعت كلام كثير عن ايطاليا بس اللي شفته غير
انا برأيي افضل الشعوب الاوربيه مره فرندلي ويحبون مساعده الغريب
سمعت برضه ان التاكس بايطاليا اكثر من اي دوله اوربيه وهذا غلط 12% مثل اي دوله من دول الاتحاد
سمعت برضه عن المجمع اللي فيه تاكس فري وبرضه غلط مجرد انك تعبي اوراقك فيه والا ماتاخذ فلوسك ولا شي ولايختمون عليها لازم
من الحدود وبصراحه اخذت مقلب من هاالمجمع اشتريت شنطه طلعت من كوليكشن العام :112: مره انقهرت مادريت الا بعدين
قطاراتهم بصراحه بعضها سئ وبعضها لا فيه بعضها غير مكيف ودي اعرف وش الفرق وافضل الشركات عشان بعدين اذا رحنا مره ثانيه
نقدر نفرق
امم ايه صح اذا طلعتوا من المطار افضل طريقه وارخصها تاخذون باص من المطار لمحطه القطارات ومنها تاكسي لاي اوتيل والا تروحون
بالقطار لاي مدينه تبونها وطبعا السعر خيال 7ونصف يورو للشخص والاطفال فري
والشنط لها مكان خاص ياخذونها منك قبل ماتدخل الباص اما التاكسي فيصل سعره ل 100 يورو
رحت لسيرفالي اوت لت ماحبيته مره مافيه شي بصراحه يسوى المشوار يمكن حلو للي عنده ايام زياده انا انقهرت لاني كنت شايفه اشياء
بمحلات وماقدرت ارجع لها خاصه اننا رجعنا بعد ماسكرت المحلات ومن بكرى كان يوم احد يعني كل شي مسكر
انتظركم وخاصه مزوون وكاس عسل صديقاتي
يالله لاتتاخرون خلونا نفيد ونستفيد من بعض خاصه ان المعلومات لسه طازه