حياكم الله. ومبروك المولود مقدما
بخصوص الطيران. الاتحاد. القطريه. الامارات. البريطانيه
وبخصوص ترتيب الرحله. ادخل على المواضيع المثبته وبتحصل جداول سياحيه وبرامج
الفنادق.
فنادق ينصح بها في لندن
1-Thistle Marble Arch طبعا هذا الفندق بالسنتر أوسع الغرف
2- Cumberland وهذا الفندق فى غرف وسيعه اللى على الزاويه بالسنتر
3- Hilton Metropole وهذا فى شارع أجورود بعيد عن الكسفورد
4- Royal Lancasterمقابل هايد بارك وحدائق كنسينغتون 4 نجوم
5- Millennium Mayfair في منطقة المايفير ويبعد عن الاكسفورد 500 متر 4 نجوم
6- Coruse Hyde Parkفندق مقابل الهايد بارك 4 نجوم
7- Indigoقريب من محطة Paddington وشارع العرب
8- Churchill Regency Hyattفندق 5 نجوم قريب من الاكسفورد
9- Radisson SAS Portmanفندق بين الاجول رود والاكسفورد 4 نجوم
10- TheMontcalmالفندق با جنب فندق الكمبرلاند بس هاذا افخم منه يعتبر 5 نجوم والكمبرلاند 4 نجوم*
11- Shaftesbury Metropolis London Hyde Parkيبعد عن الاجول رود 3 دقائق مشي ومكيف
2Best Western Mostyn hotelقريب من الاكسفورد
البرامج السياحه في الموضوع المثبت
وبخصوص الريف الانجليزي
https://artravelers.com/p/re/122254

لاكلام بعد اخوي موادع الغالي الا الدعاء لك بالتوفيق
والمده 10 ليالي اشوفها مناسبه جدا جدا جدا
ولو تخصص يوم فيها لحضور مباراه اما تشيلسي او ارسنال او زيارة ملاعبهم راح تنبسط كمان
تحياتي لك

موادع1
أشكرك كثيرا لمساعدتي في بداية التخطيط واعطائي نبذه عن تلك المدينه الجميله
الله يوفقك ويرزقك من واسع فضله

ببسي كولا
أشكرك يالغالي على مرورك
والمده 10 ليالي مناسبه للمدينه فقط ؟؟؟
أو مناسبه للمدينه + الارياف
وهل يحتاج اني أزور الارياف وأطلع من لندن والا يكفي زيارة لندن وحدائقها وساحتها وجسورها ؟؟؟؟؟؟؟
علما اني ماأحب المتاحف

ابو نزيه
وجهة نظري المتواضعه والقرار في الاول والاخير لك
الارياف دائما اذا زاد ة المده فيها تمل
خلها 3 ليال في الارياف
7 ليالي في المدنيه
انا للعلم ماجربت ارياف لندن لكن هذي وجهة نظري المتواضعه
اعتذر عن التقصير

ببسي كولا
بيض الله وجهك يالغالي وماقصرت
قرأت كم تقرير ولاحظت انه أكثرها لعوائل عددهم كبير مشاء الله تبارك الله
سؤال / هل تصلح لندن وجهه سياحيه لشخصين ( رجل وزوجته ) ؟؟؟؟
سؤال / اذا جلست في لندن 10 ليالي وقسمت المده بين فندقين كل فندق 5 ليالي هل هو فكره جيدة ؟؟؟؟
سؤال / هل آخر شهر 9 ميلادي فتره مناسبه للرحله الى لندن ؟؟؟ علما انني لا أحب السفر في العطلات بسبب الزحام والغلاء
سؤال أخير وآسف للأزعاج / كم التكلفه ولو بالتقريب لشخصين ومدة 10 ليالي ؟؟؟

الله يباركلك بمولودك الجديد .. الشباب ماقصرو كفو ووفو .. لكن حاول لما تسكن تكون قريب من شارع اوكسفورد وريجنت وادجورود لانهم غير موحشين ويوجد حركه في كل وقت
بالسلامه يالغالي

سؤال / هل تصلح لندن وجهه سياحيه لشخصين ( رجل وزوجته ) ؟؟؟؟
لاشك ان البلد جميل ورائع وشعب راقي وراح تنبسط اقل شي من الجو ... والله يعينك على السوق
سؤال / اذا جلست في لندن 10 ليالي وقسمت المده بين فندقين كل فندق 5 ليالي هل هو فكره جيدة ؟؟؟؟
القرار قرارك فالاول والاخير .. لكن اشوف انها سالفه والله ياخوي .. خل نكون واقعين وانت لاشك خبير فالسفر وعارف انه الفندق اكثر شي للنوم يالغالي .. فماله داعي التنقلات وتعب نفسك .. لكن اذا بخاطرك هل الشي على راحتك
سؤال / هل آخر شهر 9 ميلادي فتره مناسبه للرحله الى لندن ؟؟؟ علما انني لا أحب السفر في العطلات بسبب الزحام والغلاء
لاشك انه السفر بعد مايروحون السياح شي حلو ... بعيد عن الزحمه والجو الي شويه حار .. لكن اكون صادق معاك .. ماعندي اي خلفيه بهل الوقت عن الجو ممكن يكون بارد او تزداد نسبة الامطار الي تعيق تنقلاتكم
فا خلك مطلع على تقارير الجو على الشهر الي تبيه .. انا دائما افضل 4 و5 و6 على حسب تجربتي اما 9 ماعندي خلفيه اعتذر منك
سؤال أخير وآسف للأزعاج / كم التكلفه ولو بالتقريب لشخصين ومدة 10 ليالي ؟؟؟
طبعا انا استثني السوق يالغالي
تقريبا مابين 200 الى 250 باوند يوميا لشخصين ممكن يجي يوم ماتصرف نهائي ويمكن يوم تدفع الدبل .. على حسب جدولك ونشاطك اليومي .. ولا تنسى هل الحسبه بناء على انك مسافر ماراح تمنع نفسك من مطاعم او كافيهات
اخوي الفاضل .. اسأل على راحتك بالعكس معاك ان شاء الله لمن توصل الى مبتغاك ان ش اء الله

http://worldweather.met.gov.om:8000/010/c00032.htm
هذا الجو المتوقع لشهر 9 وانا اشوف انه قريب من شهر 5 و 6 فالجو ان شاء الله حلو والعلم عند الله