بونجور .. بون وي
على حسب الوقت اللي تقرون فيه مشاركتي
انا حاليا في مرحلة تخطيط لإجازة عيد الأضحى وبما اني باريسية الهوى فقررت اقتحم ربوع المانيا
فبطل عليكم في هالبوابه كثير وبسأل أكثر .. ( باختصار بسندركم )
مخطط رحلتي
المده : 12 يوم
2 يومين ملاهي دزني( باريس )
3 أيام ( باريس )
5 ايام في باريس ما عندي فيها مشكله في التخطيط
والحين .. جينا للتوهان ..
بيبتدي الجزء الالماني
باقي من الرحله 7 أيام بنقضيها في ربوع المانيا والمناطق المقترحه ..
ميونخ.. زلامسي .. دسلدوف .. بون
ناوية أروح ميونخ كبداية لمدة يومين
من ميونخ بطلع على زلامسي يوم
وبعدها ... فاضل 4 أيام بين
دسلدوف و بون
حابه اعرف المسافه بين ميونخ و دسلدوف او بون وامن ميونخ اطلع على بون او دسلدوف ايش الاقرب