الله يسهل عليكم وتنبسطون
اولاً لا تشيلين همه
اشتري لك من هنا الاكل المعلب واشتري بسكوت الاطفال اللي يحبة وخليه دايم بشنطتة وخلي معاك ملعقته الخاصة
وراح تلاقي اكل مناسب له حتلاقي شوربات والخبز حقهم زي الصمون (الصامولي) لينية بالشوربات
والعربية خذيها معاك لو حابة عشان المطارات وكذا
وانا افضل تشتري لك الحماله حقة الطفل بشرط وزن البيبي مايتعدا 12 كيلو اتوقع تلاقيها في مذكركير وشيكو وسنتر بوينت
وبكذا يسير تنقلكم سهل وكمان ماتتعبين في حمل البيبي بيدينك
تروحو وترجعو بالسلامه

والله السفر مع الاطفال وخاصة الي عمرة سنة او اقل مشكلة !!
انت تحتاج الي العربية والعربة مشكلة ببعض الاماكن وخاصة الترام والميترو والباص
وبعض الاحيان بالترام مزدحم كثير وخاصة بالصباح والمغرب ؟؟
الله يسهل اموركم .

أختي الكريمة
بعد وصولك سالمة ان شاء الله , اشتري عربة أطفال قابلة للطي تسهل عليك الكثير ..
و بالنسبة للطعام أفادك الأخ في رد سابق

اذا امكن لاتاخذينه معاك راح يتعب وتتعبون انتم من المشي وحرام راح ياثر عليه ضغط الطياره كثير اطفال بطياره دايما اسمع بكاهم من الم الاذن وتقلبات الجو راح تاثر عليه بعيد الشر فافضل شيئ له قبل يكون لكم لاتاخذينه (انا طفلي السنه الي طافت بعد قصيت له البوردنق وكنت رايحه للمطار غيرت رايي وخليته عند اختي وكان عمره سنه ونص والان عمره سنتين وشوي وباخذه لان ابوه مصر والله يعين والله شايله همه من الحين )واذا لابد من اخذه خذي له الااكل الجاهز واذا رحتو مطاعم اطلبو له شربه بدون بهارات وبتكون سهاله ان شاءالله وازيد واكر اذا فيه امكانيه انك ماتاخذينه يكون افضل له
ورحله سعيده مقدما

شكرا لكم جميعا وماقصرتو والله بودي اروح بدونه بسلامته بس مافيه احد اخليه عنده الله يسهل الامور :008:

السلام عليكم ورحمة الله وبركاته
للتو وصلت صباح اليوم من اسطنبول، ومعي بنتي عمرها 10 شهور
وقد سافرت بدونها قبل ستة أشهر مع زوجتي
وبالرغم من استمتاعي بزيارتي في سفرتي الأولى
لكن متعة مشاهدة بنتي، واللعب معها خاصة في أكواريوم اسطنبول يعدل تلك السفرة كلها
الجو في أسطنبول هذه الأيام متقلب، يوم السبت الماضي كان حر (20 درجة) والأحد مساءً والاثنين كان بارد
لا بد من التأكد من حالة الطقس قبل سفركم، ويمكن التأكد من مواقع الطقس مثل موقع bbc
وفي حال كونه بارداً، عليكم بتدفئة الطفل جيداً بالملابس الثقيلة، وقد لاحظت أن الأسعار لملابس الأطفال لا تختلف كثيراً هناك
بل وجدت في مول مرمرة ملابس جميلة لبنتي بسعر أقل من الموجود في السعودية.
وبسبب الطقس البارد هذه الأيام في اسطنبول، فاضطررت لاقتصار الزيارة في بعض الأماكن المفتوحة كالحدائق، والجلوس في المطاعم فيها، وذلك خوفاً على بنتي
وبالرغم من المعاناة التي تحصل من اصطحاب الأطفال في السفر، لكن وجودها معنا أضاف متعة خاصة ، لا سيما أنني لمست عناية الناس هناك ومحبتهم للأطفال
وبالنسبة للترام والمترو ، فيمكن اصطحاب العربة عبر طريق خاصة للدخول والخروج دون أدنى مشكلة، فالمواصلات والشوارع والمولات والمطارات صديقة للعربات، وربما
تتعبون في بعض الحدائق المرتفعة مثل حديقة أولوس بارك ونحوها التي عبارة عن درج..
وتسهيلاً عليكم ، فحينما تصلون للمطار فاطلبوا تسليم العربة عند بوابة الطائرة مع أخذ ستيكر الشحن، وتستلمونها مع بقية العفش في المطار
وأنصحكم في حال عدم شراءكم للتذاكر حجز مقعد إضافي للطفل ودفع قيمة التذكرة، لأن جلوس الطفل في حضن أبيه أو أمه متعب لا سيما أن الرحلة من السعودية تقريباً 4 ساعات
وفي حال شراءكم للتذاكر وعدم شراء مقعد إضافي للطفل
أن تطلبوا عند قطع بطاقة الصعود، سؤال موظف الكاونتر عن إمكانية حجز ثلاثة مقاعد بمقعد إضافي في حال كانت مقاعد شاغرة بالطيارة، وذلك
لكي لا يحجز المقعد الذي بجواركم،
وهذا ما فعلته اليوم عبر الخطوط التركية في العودة، ولم أستطع في الذهاب لكون الطائرة ممتلئة..
وبالنسبة للأكل، فقد لا أفيدك كثيراً، لكن بنتي كنا نعطيها الحليب الاصطناعي - ويمكنه حمله معكم بالطائرة ، وطلب الماء الساخن من مضيفي الطائرة -
وكنا نعطيها أيضاً مما نأكل مثل البطاطا المهروسة، وأشتري لها أحياناً بطاطس مقرمشة من المحلات التجارية وعصيرات..

عيني اكل الصغير موجود معلب من شركات غذائية عالمية بكل الاماكن والمولات وبلنسبة لعربية الطفل ضرورية ولاتسبب اي عائق والجو شهر الخامس ربيع مايل لدفئ رحلة موفقة ان شاء الله

شكرا جزيلا كفيتو ووفيتو جزاكم الله خير وليس بغريب على اعضاء المنتدى الرائع :017::041::042: