عفوا... لكن ما شفت الموضوع الا الحين.
الزيارة كانت ويك إند في شهر 3 أو 4 من سنتين أو ثلاث... لا أذكر بالضبط و ماني قادر اشوفها بالجواز لني طلبت يختموا لي الفيزا على ورقة خارجية. و حتى ختم خروج من دبي ما فيه لأني أستخدم البطاقة الإلكترونية.
كنا مجموعة شباب و كانت آمنة جدا و سكنا فنادق و لا ادري إذا عندهم فلل. لكن خلال سفرتي ما شفت فيها اي عوائل خليجية. الرحلة أقلعت من مطار دبي تيرمنال 2 و الطيارة كانت نكتة.
هي تعتبر منطقة حرة أكثر منها جزيرة سياحية. كلها مولات و ايرانيين يتتسوقون.
أتمنى أكون افدتك. و اي استفسار تبينه عنها من مكاتب دبي السياحية اللي تنظم رحلات لهناك انا حاضر.

كفيت و وفيت ، مسموح اخوي معليك لجيت المنتديات بس اكثر اللي راحو سنة 1996 . يعني انت ما رحت لحدايقهم وغزلانهم . أهم شي السومينج حق علاوي وجزاك الله الف خير.

الله يحييك أختي...
الا علاوي... و السويمنج ماله..ما نقدر أبد نزعله..
لكن أختي ليش ما تأجلون الرحلة للشتاء؟ جو الجزيرة مثل جو دبي.. حر و رطوبة في الصيف..
شفت هالموضوع عن الجزيرة يمكن يفيدك لم أتوقع الجزيرة بهذا الجمال !! http://uaesm.maktoob.com/vb/uae145987/

يا الغالي انا من عشاق العين فقلت ان شاء الله الخمس الاواخر بنقضيها في العين و بنعيد في دبي و ثاني العيد ان شاء الله الجزيرة ثلاث ايام واحنا رادين . يعني بيكون على اول شهر عشره . وتسلم تعبتك معاي .

دخلت الموضوع الصراحة وايد شجعني . تسلم و اخدمك في الافراح ان شاء الله .
يالله خل علاوي و حسون يستانسون وفديتهم .

الله يسلمك و يسلم لك عيالك..
بانتظار تقريرك عن الجزيرة..