1. الرحلة بتكون ان شاء الله انا ووشريكتي بهالحياة

السلام عليكم
شلونكم يالربع عساكم طيبين
انا ضيف جديد عليكم صديق قال لي لان دايم انا والمكاتب السياحية اصحاب
اقترح علي اسوي كلش بنفسي قلت مالي الا انتو يالنشامى
الرحلة ان شاء الله 15 ليلة تقريب ودي بجولاي لكن مامنه الا 8 ايام ويدخل رمضان ماينفع
قلت نخليها بالعيد ونعيد باوربا عاد انا قلت لزوجتي قامت ترقص سامري من الفرحة وبدينا بشغل التهديد لو كذا مافي سفرة لو كذا مافي ومافي

الرحلة بتكون ان شاء الله انا ووشريكتي بهالحياة

الرحلة صراحتن ماني حاب فيها فنادق ابي شقق نبي نطبخ قهوتنا وشاهينا واكلنا وعلومنا سنعه ان شاء الله
اقتراحكم كيف يكون التوزيع الرحلة ذهاب وعودة بتكون من جنيف باقي ماقصيت بس ناوي عالتشجيعي حق السعودية شرايكم ولا ممكن الامارات تنزل سعر طيب هي والمصرية ومتى تقريبا ينزلونه لاني قريت هنا فيه ناس ماخذينها بالالفين عالاماراتية ومرة المصرية اقل بشوي للشخص
شورو علي
المدة تسوى كل هالثلاث ولا تعب وقروشة شرايكم ...؟
ابي اماكن للسكن نظيفة ورخيصة تكفون طالبكم وناوي على سيارة ان شاء الله قريت ان متعة الارياف بالسيارة
اسعفوني النجدة الوقت يمشي نبي نخلص امورننا لاهنتو
لاتقولون لي شوف المدن وش يعجبك ومايعجبك طلبتكم انا ابي رايكم اي مدينة حلوة سياحية وفلة هاتوها وانا اقول تم فصلو وانا البس وادفع
ياكثر هذرتي هذرتاه
سامحوني خلاص بنتشعم انتظركم
اخوكم بريدي عايش بدار العمار مكة عزها الله واقرب مطار لنا جده ام الرخا والشدة