أرجو التكرم بالمساعدة في مخطط لرحلة لباريس لأول مرة
6 أيام في فندق قرب ديزني.. و6 قرب الشانز ومعانا طفلين 6 و8 سنوات..وهم الهدف الأساسي من الرحلة وأنهم ينبسطون.. بس ما يمنع ننبسط معاهم
احنا بنوصل للماريوت فيلج بداية شهر 6 .. والمخطط مبدئيا 3 أيام لديزني ويوم للأوت لت..هل المخطط كذا أوكيه؟؟
ونبي نروح يوم للريف.. تقترحون علينا أي منطقة؟ وهل نروح من الماريوت أو ننتظر لين باريس؟؟ وشنو وسيلة التنقل المناسبة؟؟
وبالنسبة لباريس شنو المخطط المناسب برأيكم؟؟ والأماكن المناسبة للأطفال؟؟ وأحسن مكان الواحد يتسوق منه هدايا؟؟ ووسيلة التنقل المناسبة؟؟
بالنسبة للسكن قريب الشانز هذا أفضل ما وجدت في وقت سفرنا ممكن تقترحون مكان أفضل وأقرب من الشانز بس السعر يكون في هالحدود لو أغلى شوية مو مشكلة
Adagio Paris Haussmann
أو هذا لأني بصراحة أبي عيالي معاي بنفس الشقة بدون فاصل وأبي شيء واسع شوية
Bridgestreet Champs-Elysées
أو هذا
Royal Garden Champs Elysées
وألف شكر مقدما