معاك والله الى موعد سفرك
شوفي ردي دولي

دولي 9
دولي
هلا اخوي
خلك معاي
محتاجه خبرتك ورايك
بخصوص الفنادق
انا منتجع كاتا دفعنا له حق ليلتين ولليله حجزت برشا من فترة شهر ومن شوي كلمت السفريات ابي اكنسل بس يقول خلاص مانقدر نكنسله
يعني باقي لي 3 ليالي ببوكيت
وين تنصحني احجز؟؟
شكرا

لالالا اختي لاتكنسلين ولاشي
كاتا فندق ممتاز ورائع ومنتجع كبير وعلى البحر مباشرة يعني شاطئ شبه خاص
وعندك الخدمات تحتك وقريب منك منطقة كرون بيتش لالالا تكنسليه حلو
حاولي تكوني بالمبنى الجديد يعني شوفي غرف تفتح على المسبح او سي فيو
طيب حلو جزيرة رشا ممتازة وهدوء ورومانسية
خلاص كذا نخلص من الهدوء
ونجي الى شاطئ الباتنوج ياتاخذي هوليد ان او بان تاي او بروساي
اوكي واضح
لاتكنسلين شي قبل ماتعلميني واضح
تحياتي
دولي

دولي 9
لا لا لا خلاص مابكنسل واي قرار باتخذه اكيد بارجع لك اخوي
طيب الحين انا عندي ليلتين بسلانجور وليلتين بجنتنغ و3 ليالي بالتريدرز وبعدها بنكون في بوكيت وبعدها ان شاء الله بانكوك
باقي لي من السفر 9 ليالي
كم ليله تنصحني ببانكوك وكم ليله بشارع العرب بكوالا؟؟

والله فجر ماودي اللخبط حجوزاتك
لو كان يميدك تغيرير حجزك وتخلي العودة من بانكوك ،،، بدال ماترجعي لكوالا لانك شفتيها خلاص
مجرد اقتراح
طيب ماعلينا
5 ليالي في بانكوك واذا تعشقي التسوق 6 ليالي و3 في كوالا مو قليل فيها لانك راح تكوني جالسه فيها قبل 5 ايام بالاضافة الى 2 جينتق
على فكرة ترا ممكن تزدوي ليله في بوكيت اذا انتي من عشاق البحر والمشي والبعد عن صخب المدن
جاهز للاستفساراتك
تحياتي
دولي

دولي 9
انا بالنسبه لبانكوك للحين ماحجزت اخوي وناويه احجز ان شاء الله بفندق ماجستك غراند بعد اطلاعي على موضوع اخوي الحوسني وبعد اخذ راي معظم اعضاء المنتدى بهالفندق
وبالنسبه لعودتي من بانكوك دايركت البحرين اكيد بيكون افضل بس حجوزاتي تمت من فتره للطيران
طيب باحجز بالهوليدي ان ببوكيت...(( بس احس ان هالفندق بيكون مشحون بالسواح))
شنو رايك به؟؟؟
اوكي 5 ليالي بانكوك و 3 ليالي بكوالا بيكون افضل
وبالنسبه لكوالا ابي فندق قريب من كل شي بشارع العرب وسعره مناسب اخوي

اوكي خليك على جدول مناسب جدا
الماجيستك رائع زي ما قلنا اول قريب من المنطقة العربية وفي نفس الوقت معزول عنها
الهولد ان صحيح مليان سواح من انحاء العالم وهذا راجع للبوكيت اولا وللباتنوج ثانيا
لكن لوجينا بنغيرة وين نروح
مافيه منتجع بحجمه وموقعه في الباتونج لانه صاير بالنص ويفتح على على الجهتيين ،،، الفندق مافيه كلام
ومليان سواح ودايم فل
ماودي انصح بغيره لانه ( مافيه ) ذاك الفروقات وصراحه الهولد ان تحسين بالحياة من جد
لكن انا مدري كم بتجلسي فيه من ليله ؟؟؟
طيب كوالا اذا تبين السعر المناسب خليك برويال بنجي ممتاز وحلو سعره وموقعه رائع في اخر الشارع العربي
يعني تطلعي من الفندق يمين ثم يبدا الشارع من اوله لاتغيريه اوكي
دولي

فجر
اذا بخاطرك غيرتلك الهولد ان بس عطاني مواصفاتك بالضبط
اوكي
دولي

دولي 9
ببقى 3 ليالي بالباتونغ بيتش اخوي
وعن المواصفات ابي النظافه والموقع اهم شي وطبعا ما يكون سعره مرتفع وايد
مشكور اخوي على مساعدتك لي