وعليكم السلام ورحمة الله وبركاته::
ما شاء الله مخطط ممتاز .
وبالنسبة لليوم الزائد ..انصحك تخليه في لوزيرن ...ومنها تخصصه مثلا لزيارة شلالات الراين او جزيرة الورود في كونستانس.
وبالتوفيق

اخوي ميدو شكراً لك والله يقويك
وكل عام وانت بسويسرا
.

اخواني الاعضاء عندي استفسار بخصوص استئجار السيارةانا ان شاء الله بستأجر سيارة من مطار زيوريخ وناوي أسلمها بجنيف واتوجه بالقطار الى باريس
السؤال هنا الافضل اني استأجر من الانترنت او من مكتب المطار مباشرة وهل فيه اختلاف بينهم
السؤال الثاني في اي موقع اسلمها بجنيف لانه في مواقع الشركات فيه تقريبا اربع خيارا للتسليم بجنيف
وشكرا لكم

السؤال هنا الافضل اني استأجر من الانترنت او من مكتب المطار مباشرة وهل فيه اختلاف بينهم
.
هلا والله اخوي.
ول تبي شوري..الانترنت افضل ..لأن ممكن تروح وما تلقى سيارة ..وهذا شي طبيعي.
يعني ضبط امورك من انت واحجز ..وتوكل على الله.
السؤال الثاني في اي موقع اسلمها بجنيف لانه في مواقع الشركات فيه تقريبا اربع خيارا للتسليم بجنيف
خيارات اماكن التسليم في جنيف لا تتعدى كونها:
1. مطار جنيف السويسري.
2. مطار جنيف الفرنسي.
3. فروع في السنتر ..وغالبا تكون قريبة من محطة القطار .
ميزة مطار جنيف ان فيه محطة قطار ايضا.
سويت بحث بسيط في موقع سيكست ..ان لو سلمت السيارة في محطة قطار جنيف او في المطار في القسم السويسري في فرع سيكست ..ارخص لو انك سلمتها في مطار جنيف الفرع الفرنسي.
وما دامك رايح ان شاء الله الى باريس بالقطار ..يا تسلمها في السنتر (بعيد شويتين عن محطة القطار ..بجوار فندق الكمبنيسكي..700 متر تقريبا)
او
في مطار جنيف القسم السويسري (المشكلة ان هذه محطة القطار ترجعك لسنتر جنيف تغير القطار ثم تطلع الى باريس)
والخيار راجع لك.

بالنسبه لليله الإضافيه راي من راي ميدو خلها في لوزيرن لأنها جد رائعه ومنها تقدر تزور زيورخ او قريه هايدي او شلالات الراين
من راي تخلي انترلاكن بعد لوزيرن ومن ثم لوغانو لأن انترلاكن اقرب الى لوزيرن ساعه ونصف فقط بالسياره وهي بالوسط بين لوزيرن ولوغانو
وبالنسبه لتأجير السياره انصحك تخلي محطه الوصول جنيف عشان تاجر السياره من القسم الفرنسي بجنيف وبالنهايه تسلمها في باريس اي في نفس دوله الإستلام
وراح توفر فلوس وايد لأن تأجير السياره بفرنسا ارخص بسعر كبير من سويسرا كما انك راح توفر فلوس الفرق اللي بتدفعه عند اختلاف دوله استلام السياره وتسليمها

ميدو .. سالم.. الخالدي..q87opi
شكراً لكم واتمنى لكم كل التوفيق وربي يسعد ايامكم
ان شاء الله اعتمدت هذا المخطط اسأل الله ان يجعلها رحله موفقه
بس باقي ايجار السيارة الصراحه تهت وسط هالمواقع ماني عارف اي شركة افضل وخيارات السيارات تحير شوي
.

الله يبارك فيك أخوي .
.
على فكرة ..يوروب كار منزلين خصم 25 % .
http://www.europcar.com/DotcarClient/step1promo.action?promoId=49703c645756795d644e76024133625c