بنت الاكارم
29-12-2022 - 10:11 am
السلام عليكم ورحمة الله وبركاته
بعد التجول في هالمنتدى والاطلاع على خبرات الاعضاء .. صارت عندي خبرة نظرية واختياراتي اغلبها كانت بناء على هالخبرة
هذا المخطط النهائي لرحلتننا بعد اتمام عملية الحجز :
الناقل الخطوط الجوية السعودية تكلفة التذاكر = 4171 ريال زوجين وطفل 7سنوات
4يوم موزعة كالتالي
1 يوم بوتراجايا الماريوت فقط لانه الاقرب من المطار
3 لنكاوي سانشوري غرفة مواجهه للبحر
2 بينانج بارك رويال منظر جزئي للبحر ( برضة بينانج ما حبيتها بس سمعتها حلوة)
2 كاميرون اكواتوريال
6 كوالالمبور رويال تشولان منها يوم لجنتنق... ملاحظة : السعر للغرفة العادية كاتبين 6 ليال بمايقارب 2800 كان 14000 طيب الكذب انه الغرف الاكشخ والاجنحة بدون تخفيض وسعرها بمايقارب 5000 ؟؟؟؟؟
سلانجور مره ماحبيتها كذا مدري ليش لا احد يجيب طاريها
تكلفة الفنادق مع الضرائب اقل من 8000 ريال
بالنسبة لسداد حجز الخطوط ارسلوا عالايميل والجوال ارقام تذاكر الرحلة .. الخطوة التالية ... ايش راح تكون.. نخليها ليوم السفر ..؟؟؟
نصايحكم .. ؟؟
بدل بوتراجيا وبما أنك ماتحبي تروحي للي ما تتسماش (اللي أول حرف منها س
أنصحك بالبديل الأمثل
وهو بورت دبسكون فيلا بمسبح داخلي شيء خيال وبداية ممتعة لرحلة سعيدة
خذي يوم من كوالا وأضيفيه لبينانج أو لكاميرون هايلاند علشان ماتكون رحلتكم مرهقة كل يومين في ديره
فندق سانشوري هذا غريب أول مرة أسمع به من وين جايبته ؟!
أي خطوط تقصدين ؟ إذا الخطوط الداخلية خلاص اطبعي الفاوتشر وعلى المطار سيده