saud
10-05-2022 - 09:36 am
السلام عليكم ورحمة الله وبركاته .. في البداية كتبت هذا الموضوع بعد مناقشه مع
احد الزملاء والذي كان يشتكي من حالة الملل الذي يمر بها في جاكرتا ... الكثير
يعتمد أثناء جلوسه في جاكرتا على روتين واحد بالتردد على اماكن (محدوده) يعني
اللي سواه امس يسويه اليوم وبيسويه بكره ومايدري الا وموعد الرحله بكره !!
ومن خلال اخر سفرتين لي حاولت أغير هالروتين عشان احس بالمتعه.. وش سويت؟
صرت اقوم انا وخويي من الساعه 12 الظهر نجهز الفطور (الغدا) وبعدها نطق
الشورتات ونوقف اقرب (كيري كيري) ونركب معه وماندري وينه رايح وهجوله معه..
ركبت جميع المواصلات هناك ( تكسي, باص , كيري كيري , باجاي , دباب )
وتمشيات في هالقايله وتمشيات في الأسواق الشعبيه يعني حاولنا ندخل بين الشعب
اللي حسينا فيها متعه السفر الحقيقيه ونمر حديقة موناس تلاقي الناس تمارس الرياضه
في جو حلو وبعدها نريح في احد المطاعم ونروح لصالات البولينج والبلياردو الساونا
والمساج ونرجع للسكن واحنا مبسوطين بالوقت اللي قضيناها ..
اتمنى من الأخوان التعليق على الموضوع وابداء نماذج اخرى من المتعه في جاكرتا ..
تحياتي للجميع
طلب بسيط لكل من اراد السفر للعمه او اي وجهه كانت ان ياخذ كم برمه وكم جلنط (كني بديت افحط) في مواضيع المنتدى وياخذ ورقه وقلم ويحسب حسبت بدوى كم يوم هنا وكم يوم هناك وبس ماتاخذ العمليه منه عشر دقايق
ولا اوصي الجميع انه يتحفنى بمغامراته الشيقه والصور الحلوه والله يعطيكم العافيه