والله يااخي انصحك بالتاكسي اريح لك من الدوخه وعوار الراس تنزل وتشيل الجنط من مكان الي مكان
خل المترو داخل اسطنبول للتنقل
الله يوفقك

مساء الخير
اللى فهمته من الاخوان .. ان المترو مايروح مباشرة لتقسيم من المطار .. ولذلك تستخدمي اي وسيلة اخرى
وكثير منهم يقول استخدم التاكسي .. بس اشترط تشغيل العداد من تركب .. وراح تطلع التكلفة تقريبا 20 دولار
أتمنى اني قدمت شي يفيدك
حبيت اجاوب على سؤالك جواب سريع .. والاخوان ماراح يقصرون
وسورى على الخطمة

في حالة اني بأخذ تكسي ان عندي طريقة دايم اتبعها في المطارات ، اطلع لصالات المغادرون تلقى تكاسي تنزل ناس مسافرين وهو بيرجع فاضي ، تقدر تخفض السعر . لكن ننتظر الاخوان الاعضاء يفيدونا اكثر بخصوص المترو
ولكم الشكر الجزيل

تاكسي تاكسي اريح واسل لوصول الى الفندق علشان لا تحوس

احنا الان نسأل عشان ما نحوس
وبعدين نجرب طرق التنقل التي يستخدمها اهل البلد .
يعني اقل شي اذا ما عرفت المكان ممكن اخذ المترو على اخر محطة واذا نزلت من على اخر المحطة كملت بتكسي
انا جاي اتمشى واستخدم المترو والباص والتكسي ، ولا وراي شي ، وما بخصوص التعب اقل شي ان المترو سالك لا قدامه زحمة ولا شي .

يمدحون الباصات
ويقولون فيه باصات تودي من المطار لتقسيم
والاعضاء الخبراء لديهم التاكيد

تقدر يا أخوي تستعين برابط هذا
https://artravelers.com/p/re/209980
خطت سيري بس يبي لها تأكيد من الأعضاء بكم سؤال هذا على حسب ماشقته بخريطة المترو

السلام عليكم ..
لا يوجد مترو قريب من المطار ..
لاكن إذا حبيت تركب باص .. أول ما تخرج من المطار خذ يسارك مسافة 20 متر بتشوف هذا الإسم havas أطلع في هذا الباص بقيمة تقريبا 9 ليرات للشخص ويوصلك إلى تقسيم عند مكتب ال DHL (البريد السريع المعروف)قريب من دوار تقسيم تقريبا 20 متر..
(أتأكد من أن الباص يوصلك إلى تقسيم للحيطة)
رحلة موفقة..

aborose
مرحبا بالجميع
هو خيار حلو باصات المطار( هافاش ) لكن التاكسي أريح بكثير ، لو كنتوا اثنين بتطلع التكلفة 18 ليرة والتاكسي 20-30 ليرة دايركت
بالمترو الى تقسيم معاناة لو معاك شنط لأنك بتغير المحطة ثلاث مرات اذا مو أكثر ، ما جربتها لكن واضحة ، من المطار الى آخر محطة ، تغيير الى مترو ينتهي بأك سراي ، مشي الى ترام ينقل الى أمين انو ، هناك تغير الترام الناقل الى كاباتاش وهي آخر محطة ، بعدها تآخذ تاكسي الى تقسيم مسافة بسيطة 5-7 ليرات
ما أظن الفرق بالسعر يستاهل المعاناة ، مع الأخذ بالاعتبار اننا سياح ورايحين باجازة نرتاح من تعب عام
( وجهة نظر شخصية )
تحياتي