عيون مساهير
06-08-2022 - 10:51 pm
السلام عليكم
يااخوان ياللي فاهمين بالنمسا
زوجي محدد لي مبلغ من 15 الى 20 بالكثير لسفر
وقال لك تختارين
وانا في بالي اسافر لنمسا
ومقسمه الايام
3 ايام في فينا
و
4 او 5 ايام في زيلامسي
وسفري راح يكون في نص شهر عشره بين سبتمبر و اكتوبر
مو مطول اسبوع او اسبوع ونص
المبلغ يكفي ؟؟؟
خاصه انه مو وقت صيفيه
والشيء الثاني الجو بيكون حلو في هالمدينتين
والشيء الاخر في بالي في زيلامسي اروح لفندق سي فيلا
لابد ان اجحز له من هنا او عادي اروح هناك وممكن احصل غرفة فاضية
تكفون ابي خبرتكم
اذا انتم ناس اقتصادين ولقيتو تذاكر سعرها رخيص .. باذن الله 20 الف راح تكفيكم لمدة 10 ايام ..
خلينا نفصلها نقطة نقطة :
السكن : متوسط الاسعار 700 ريال في اليله >> 700 ريال * 10 ايام = ( 7000 ريال )
المصروف : متوسط 120 يورو باليوم >> 120 يورو * 10 ايام = 1200 يورو ( 6600 ريال )
القطارات : فيينا - زيلامسي - فيينا >> 200 يورو لشخصين ( 1100 ريال )
المجموع : 14700 ريال >> خلينا نقول 15000 ريال .. المتبقي 5000 ريال للتذاكر ..
( طبعا هي الميزانية دقيقة بنسبة 80% .. يعني باذن الله تكفي ) ولابد من الاحتياط بمبلغ وقدره .. او كريدت كارد للضرورة ..
بالنسبة للجو ولا اروع في هذا الوقت .. اما السي فيلا فهو غالي الغرفة لشخصين اكثر من 1000 ريال .. الا في حالة انكم بتضحون في فندق رخيص في فيينا فممكن ..
والله اعلم ..