مرحبا أختي الكريمه
بالنسبه لأستفساراتج بقولج إللي أعرفه إلى أن يأكد لج أحد الخبراء التفاصيل الدقيقه
بالنسبه لدوسلدورف مافيها شيء معين يوم واحد يكفيها بين شارع الملوك والمدينة القديمه
أما السكن فيها ما عندج إلا الفنادق بأختلاف فئاتها لعدم توافر الشقق الفندقيه
والشقق العاديه صعب تلقين أحد يأجرها أقل من أسبوع
أما الفنادق المميزة والمواقع الممتازه لها على أساس أنه يوم واحد
عندج برايدن بغار هوف في المدينه القديمه موقع ممتاز (غالي)
شتايقن برغر هوف في بقرب المدينه القديمه (غالي) كلاسيك
أنتركوننتيننتال في أخر شارع الملوك (سعره متفاوت)
هوليدي أن قريب من شارع الملوك ( أرخصهم)
لازم تتأكدون من مواعيد زيارتكم لأن أثناء المواتمرات صعب تلقين غرف والاسعار تطير 3 أضعاف
بالنسبه لكولن فيها فندق الأنتركونتيننتال
Lindner Hotel Dom Residence
altstadt apartment enteresan cologne هذه شقق فندقيه في كولون في المدينه القديمه
A partment X cologne هذه شقق قريبه من المدينه القديمه على الأقدام
الأسعار مو ثابته تعتمد على التواريخ
ملاحظه: دائما السكن في الاماكن القريبه من الاسواق يوفر المتعه في التسوق
لكن مزعجه وخطره أثناء الليل خاصه أخر الأسبوع
hotelscombined دوت كوم
الموقع بالاعلى تقدرين تحجزين منه شقق وفنادق حول أوروبا عندج الاسماء وبيعطيج خيارات أكثر
أما بالنسبه لفرانكفورت
أحسن شقق فندقيه بتسكنون فيها بواقع تجربه شخصيه
adina apartments hotel
من حيث الموقع خلف المبنى بشارع تتوفر المحلات والمطاعم العربيه
وعندج مطعم تاج الهندي ولكن بعد العاشره ليلاً أنصح العائلات بالابتعاد عن التجول فيها
منطقة السوق والماركات تبعد حوالي كيلو ونص ولكن القهاوي والمطاعم موجوده على طول الطريق للسوق
بادن بادن , ورست أو يوروبارك
المسافه بينهم لا تتجاوز الساعتين لذا لو تضمونها بجدول واحد أي يكون السكن في مكان واحد
بادن بادن جميله بالنهار لكن بالليل ميته منطقة ارياف لذا لو يكون السكن في يوروبارك حيث أن المكان أشرح بالليل
والفنادق متوفره وجميله وفي الاخير الرأي يرجع لكم
ميونخ
أنا مو خبير فيها أقامتي فيها دائما باليوم واليومين مو أكثر
لكن هذه بعض المعلومات
شقق فندقيه
sunnyside-apartments-muenchen
citadines munich arnulfpark
best western aparthotel munchen
central hotel-apart
تقدرين تشوفينها من موقع:
hotelscombined دوت كوم
كابرون زيلامسي وزيورخ وجنيف
ماني خبير فيهم
ممكن غيري يقدر يدلك على الافضل
أتمنى أكون فدتكم بشيء
وأعذروني على التقصير وطريقة كتابة الروابط لانها غير مسموحه لي
لذا كتبتها بهذا الشكل

شكرا جزيلا ياعيني ياقطر وجعلة الله في موازين حسناتك
ان شالله راح اخذ بكلامك واشيل بادن من الجدول
يعني امرها وراح اسكن بيورب بارك

المشكلة الحين جتني اني بعد يورب بارك
المسافة منها لميونخ خمس ساعات
ودي امر النمسا وكابرون
وعقب اروح لبيرن وجنيف لان رحلتنا من جنيف
هنا انا خربطت
والجدول اعتفس
مادري وش اسوي
لازم اخلي سويسرا اخر شي
الله يسعدكم ضبطوا لي الوضع

بليز ابي مساعدة واقتراحات
هل اروح من يورب بارك لبيرن
وبعدين لميونخ
واخر شي جنيف عشان رحلة العودة من خناك
معناتة راح نستغني عن السيارة
يالله مررة محتاسة

مادري ليش تبين ميونيخ تكون فالجدول مع انه عندج فرانكفورت فالمخطط ودوسلدورف وزيوريخ
الجدول اوكيه لكن من بادن بادن اطلعي على انترلاكن الطبيعه مشابهه لكابرن تقريبا لكن كأسعار اغلى لانها باختصار في سويسرا .. ومنها على بيرن وجنيف وجيه اختصرتي المسافات وكلهن في نفس الطريق والمسافات بسيطه ..