بارك الله لك وبارك عليك وجمع بينكما في خير
من رايي تجمعين مابين المالديف و دبي وهي الاحلى
او موريسش ودبي
دمت بود

هلا بك اخيتي
قراشيعها
ممكن تفسرينها ومن وين اصلها (مهتم باللغة العربية ومفرداتها)
الله يتمم عليكم ويجعل حياتكم كلها عسل
اول شيء اختي اذا انتي حابه نشاركك التفكير لابد ان توضحين لنا شغلتين او ثلاث
اول شي متى ان شاء الله السفر
الشي الثاني البابا الله يحفظه ويطول بعمره كم تقريبا حاط ميزانية للسفره (تقريبي 100 او 150 او 200 الف) احس احد بيصكني بشي
الشي الأخير وهو الأهم انه نعرف ماهي طبيعة المسافرين لأن المالديف غير موريشيوس من عدة نواحي طبيعية وجغرافية
وممكن تحطين زنجبار وجهة رابعة مع الثلاث اللي ذكرتيهم
توقفت للحظات بعد الساعة اللي وقفتها عند كلمتك اللي فوق
توقفت عند هذه الجملة
وتكون رحلة شهر العسل داخل السعودية
وبحق وبدون مجاملات
ما شاء الله عليكي قنوعة
"والقناعة كنز لا يفنى"
وهذا شيء نادر ببنات السعودية في الوقت الحاضر
بانتظارك
تقبل تحياتي

توكلي على الله وروحي موريشوس وماراح تندمي على العموم الوجهات الثلاث جميله ولكني افضل موريشوس

شوفي وانا اختك قبل لا اجاوب على اسئلتك حاولي بالبدايه تعرفين زوج المستقبل وش رأية طبعا بما انها مفاجأة فطبعا تستخدمين اسلوب ذكي عشان تعرفين رأية مثلا تحاولين تسحبين منة معلومات عن الدول الي نفسة يروحها الدول الي مايحبها او انك تطرين الجزر والمالديف وان فلانة راحت او تبي تروحها المهم تكونين صورة واضحة عن تفكيرة والاشياء الي يحبها لان ممكن الجزر ما يحبها او موب متقبلها اساسا بعدها تقريرين برنامج شهر العسل وحنا بنساعدك ان شاء الله ......
الله يوفقكم ويخليلك الوالد ويحفظة الله يطول بعمرة

اختي الله يتمم لكم زواجكم على خير ويطرح بينكم مودة ورحمة
ثاني شي اذا الوالد ميزانيتة للسفرة مفتوحة فانا انصحك بسيشل والسبب حسب ماقريت عنها انها افضل الشواطيء بالعالم والثاني انه نادرا محد راح لها وحلو ان شهر العسل يكون مميز بديرة محد راحلها بس تراها غالية حيل
اذا مانتي حابة تكلفي علية واجد جزر المالديف
على فكرة انا مارحت ولا وحدة منهم بس الله يخلي لنا المسافرون العرب
cc: ابو عزيز ياويلك من بنات السعودية

روحي المالديف .. منتجعاتها افضل و افخم لشهر العسل من موريشيوس .. اما سيشل ما اقدر احكم عليها..
سيري دبي + المالديف لشهر العسل
والله يوفقج ويبارك لكم ويجكمع بينكم على خير يا رب

بصراحه إذا الميزانيه حلوه و السفر بالصيف ولا وحدة منهم *_*

1. وهذا شيء نادر ببنات السعودية في الوقت الحاضر


2. أكيد القناعة كنز لايفنى ..

الجاسر الحربي ,,
الله يبارك فيك ..
السفر لدبي مايهمني كثير لأنها بتاكل علي من الميزانية وأنا رايحة لها من قبل 3 مرات ..
جزاك الله خير على مشاركتك لي برأيك ..
ابو عزيز ..
ممكن تفسرينها ومن وين اصلها (مهتم باللغة العربية ومفرداتها)
هذه من قاموس النجديين :f5: ..
مأخوذه من قرشع يقرشع قرشعةً ..
بصراحة معناها صعب يشرح ..
لكن المقصود هنا ان أسواقها والأماكن اللي تنزار فيها قليلة ..
لأن الواحد يحط في باله انه اذا سافر لدولة ممكن تكون هذه أول سفرة وآخر سفرة لهذه الدولة فيحاول يزور كل أو معظم الأماكن اللي تتميز فيها هذه الدولة ..
الله يتمم عليكم ويجعل حياتكم كلها عسل
آمين يارب ..
اول شيء اختي اذا انتي حابه نشاركك التفكير لابد ان توضحين لنا شغلتين او ثلاث
اول شي متى ان شاء الله السفر
السفر بيكون تقريباً بنهاية يوليو على بداية أغسطس ..
الشي الثاني البابا الله يحفظه ويطول بعمره كم تقريبا حاط ميزانية للسفره (تقريبي 100 او 150 او 200 الف) احس احد بيصكني بشي
هئ
حرام عليك شكلك بتدج بأبوي على هالميزانية ..
بصراحة الميزانية مابين 20 الى 30 ألف ريال ..
الشي الأخير وهو الأهم انه نعرف ماهي طبيعة المسافرين لأن المالديف غير موريشيوس من عدة نواحي طبيعية وجغرافية
وشلون طبيعتنا ؟؟
حنا ناس عاديين عايشين على باب الله :f5:
احم .. ممكن توضيح أكثر للسؤال ..
وممكن تحطين زنجبار وجهة رابعة مع الثلاث اللي ذكرتيهم
أخاف ماتكفي الميزانية ..
توقفت للحظات بعد الساعة اللي وقفتها عند كلمتك اللي فوق
توقفت عند هذه الجملة
:
وتكون رحلة شهر العسل داخل السعودية
وبحق وبدون مجاملات
ما شاء الله عليكي قنوعة
"والقناعة كنز لا يفنى"

وهذا شيء نادر ببنات السعودية في الوقت الحاضر

أكيد القناعة كنز لايفنى ..

لكن بصراحة الأهم عندي هو إني إذا رحت أروح وأنا مستانسة ما أبي أروح وأتنكد هناك لأن سبق لي الذهاب لماليزيا من 4 سنوات وشفت أشياء تضحك بين بعض العرسان ..(واحد يهاوش زوجته قدام الخلق وهي تصيح وتشاهق ,,ياحياتي هي رحمتها من قلبي ) ..
وغير كذا كثير من الأقارب ما يأيد السفر للخارج بعد الزواج بعدة أيام (لا أحد يقول ليش ,,لأني أنا نفسي ما أدري وش الحكمة من هالشيء ) وأنا من كلامهم فكرت بهالرأي ..
شكراً لك على مشاركتك ..
asian eye
أحطها في بالي إن شاء الله ..
مشكور أخوي على ردك ..

أعتقد يا ( مسك الحياة ) إن الرحلة للجزر غير موفقه في شهر عسل ،
إلا إذا كنت إنسانه مختلفه وغير خجوله منهُ ،
وذلك لأن الجزر دايم تكون شهر عسل ثاني أو راحة مابين كل عام ،
وتكون مدتها أربع ايام ، وخصوصآ بعد إنجاب أول طفل ..
ولكن أنتِ تبين شهر عسل ، و رحلة استثنائيّه
وتكون خروجاتها كثيره حتى ( تنطلقوا مع بعض ) ،
ولذلك مع إحترامي .. لا تنفع ولا واحده
ابحثي في التقارير الفرنسيّه ، و الجمال الذي هُناك
وابحثي في البوابه السويسريّه ، وإبداع الخالق ...
وبما أن الرحلة بالصيف حسب ما شفت ،
إذن الجزر لا تنفع غالبآ ..
وهذا ، أرجو لك أن تفهمي هو ماذا يحب
وماذا يريد
وبكل صراحة و تقدير :
أن المرأه هي التي تبحث وتعمل مفاجاه للرجل
هذا بحد ذاته ............ ( شيء تشكرين عليه )
بس أخاف هو بعد مسوي مفاجاه ههه وتروح فلوسكم !
يالله .. الله يوفقكما