لايهمونك ....
لو تجمعين جميع اسواق لبنان ماتجي جنب سوق واحد عندنا ....
ولاعندهم لاازياء فخمة ولاشي ,,, فقط مجرد سمعه ,,, يعني تراني شريت من لبنان ....
دخلت محل ايلي صعب وزهير مراد وكانت عادية جداً ,,, لبنان مشهورة بمصممين الازياء ويزبط معهم فستان او ثنين او ثلاثة والبقية تكون مضروبة وتكملة عدد وشهرتهم بسبب الفنانات ... وهذا ادى الى وجود انطباع عام بان لبنان بلد الازياء و الخ وهذا يزول تماماً بعد زيارة الاسواق هناك .

المسافر راح
والله الاخ معه حق....من اراد التسوق وخصوصا الملابس فلا يتسوق من لبنان لأن اولا الاسعار نار بسبب وجود ال tva على جميع البضائع، الشيء الثاني مافيه ذاك الزود بالبضائع والملابس هناك، كنت قبل فتره في احد محلات الماركات المشهوره واشتريت كم جنز على كم قميص وتفاجأت ان السعر الاجمالي وصل الفين دولار وزياده، وبعد فتره رجعت للسعوديه وشفت نفس الماركه في احد المجمعات الكبرى ولقيت الاسعار أقل بكثير من هناك.
من اراد التسوق بالفعل واراد ان يجمع بين جودة المنتج وحداثته والسعر المناسب فعليه بالتسوق في دبي.
تحياتي

نصيحة أخوية لالالالالالالالالالالالالالالاللتسوق من لبنان غلا فاحش ولا فيها زود لبنان حقت تمشي ووناسة بس البضاعة عادية

أتفق وبشده مع الكلام اللي فوق ترى أسواقنا احلى بكثير

اللي يقول اسواق لبنان غلا فاحش اشاركم الراي في بعض المحلات
بس عندكم محلات zara & aldo وغيرها اسعارهم ارخص من السعودية تقريبا من 10% - 30%
والتشكيلة اللي تجينا يكون بعضها عليها تخفيض في لبنان

banderino
صدقني يالغالي انه حدثني من اثق به هناك ان البضائع الي يكون عليها تخفيض او شي من هذا القبيل تكون مضروبه = مزورة = مغشوشة = مزيفة، وليست فضيحة الادوية المزورة التي ملئت صيدليات لبنان ببعيدة عنا..فمن غش في الادوية سيغش في الملابس وغيرها.
مستحيل لو كانت أصلية يصير عليها تخفيض 30% كما ذكرت...تعرف ليش؟ لأن في لبنان هناك مايسمى ب tva وهي الضريبة المضافة على كل كل بضاعة تباع..وهذا مايجعل اسعار البضائع في لبنان غالية جدا، حتى ان بعض اصدقائي اللبنانيين ينزلون الى سوريا لجلب القطنيات وغيرها لانها ارخص هناك، ذهبت الى معارض السيارات هناك فوجدت ان اسعار السيارات هناك تزيد عن هنا ب 35 %وأكثر...الكامري والتي تباع عندنا هنا ب 75 الف رأيت دعاية لها هناك تباع ب 100 الف ريال..بنطلون جينز من محلات Guess اخذته من هناك ب 400 ريال ووجدته في الرياض ب 300 وقس هذا الغلاء على باقي الامور...وفوق هذه وتلك عندما يأتي موسم السياحة يزيدون على كل شي 10 و20 دولار ويقولون هؤلاء سواح وماراح تفرق معاه عشره او عشرين دولار يدفعها مثل ماهو صاير بالتكاسي والفنادق وغيرها وقت الموسم، عشان كذا الواحد يحسب اموره زين ويعمل بمقولة اللبنانيين (( شو انا لاقي مصرياتي بالشارع ))
تحياتي

فعلا صادقين الاخوان... مافيه مثل اسواق الرياض بالشرق الاوسط كله..
بس لو مصره تتسوقين من هناك انا اعتقد عرفت اللي وصفتيهم بس مااعرف اسمه صراحه ،،واحب افيدك بكم محل غير ،،
عندك الحمرا تلاقين عندهم محلات حلوه فيه واحد المشكله مو عارفه اسمه بس هو كبير وبسيط وادوار على امتداد مكتبه انطوان مو جنبه يعني بس على امتداده انا حصلت عندهم فساتين شتويه خطيره..فيه بعد في الحمرا اكسجين حلو ،،
عندك مجمع الاي بي سي هذا احلى شي عندهم بس صراحه مافيه زود،،
محلات السوليدير حلوه ماعليها،،

مشكورين
وشكلي ماراح اشتري شئ على كلامكم
انا في الرياض وجدة صاير السوق هالسنتين الاخيرة من سئ لاسوئ كيف لبنان على اللي تقولونة

samx
عزيزي البيض لايباع على سلاقينه
نحنا تجار البسة وعارفين البضاعة المغشوشة
وصدقت عندهم ماركات مثل ارماني وغيس وغيرها تكون مغشوشة
بس مثل زارا والدو مستحيل مغشوشة تختلف مصدر الصناعة انا معك بس صدقني نفس القطع عندنا اغلى
مرة اشتريت من زارا اللي بالكسليك طقم مكون من ثلاث قطع احد القطع للاسف ماجا مقاسي
جيت جدة لقيت نفس القطعة قلتله ابدل قال لا اضطريت واشتريتها بسعر اغلى تقريبا 20 ريال من سعر لبنان