1. بعدين قالو ا (( 11.30 )) قلنا مافي مشكلة ...


2. ركبنا الطيارة بسلام.. الى هنا كل شي اوكيه ...


3. عصبو اللي في الطيارة ..ووصلو حدهم...

وماذا بعد ياشركة (سم) اقصد ( سما).....
لاأدري من اين ابدأ ... قبل كل هذا خلوني اكتب باللهجة العامية احسن .... لأن اللهجة الفصحى ماتبرد قلبي فيكي ياسما...
اخواني اخواتي .. معاناتي بدأت من من قاللي زوجي وش رايك نروح مصر انا وانتي وامي .... قلت ياسلام وقلت في واحد يكره ام الدنيا....
جهزنا للسفرة وحجزنا على خطوط سما ... وقتها ماكنا ندري ان فيها بلاوي ...
حجزنا في تاريخ 6 / 12 / 1429ه يوم الخميس.. وكان المفروض وقت الإقلاع الساعة (( 10.30)) ...

بعدين قالو ا (( 11.30 )) قلنا مافي مشكلة ...

ركبنا الطيارة بسلام.. الى هنا كل شي اوكيه ...

قعدنا في الطيارة ساعة ..... ساعتين ....قلنا وش فيه ... قالت المضيفة (( في 8 شنط نزلناها لأن الطيارة ماتحملت العفش ))... لا وازيدكم من الشعر بيت.... قبل لانسافر ازعجونا بالرسايل يقولون عفشكم لايزيد عن عشرين كيلو للشخص ...
نرجع لسالفتنا...قلنا طيب قولوا لنا عن اسماء اللي نزلت شناطهم.... عشان ننزل معاها...قالو اللي شنطته نزلت ياينزل معها ياينتظرها نرسلها في طيارة بكرة....
انتظرنا ساعة ... الحين الساعة(( 2 الظهر )) وحنا تكسرت ظهورنا ورجولنا من ضيق كراسي الطيارة...
اخيرا جابو الأسماء ...والله والله والله طلع اللي منزلينها (( 118 )) شنطة .. وسمعنا بعدين ان الطيارة ماشالت الا
( 7 )شنط.....

عصبو اللي في الطيارة ..ووصلو حدهم...

الفصل المميز في الرحلة ....جا المضيف ومسك المايك... وقال ((اللي يبغى يروح اسكندرية يرفع ايده..... رفعوا المساكين ايديهم... وقال يالله نمشي ))).... (( لالالالاتعليق))والله مازدت حرف عليكم...
وكان معاه مضيفتين من جنسيتين عربيتين مختلفتين ... وحده منهم كانت في قمة الإحترام... وتحاول تهدئة الوضع .. عكس الثانية اللي كانت المصدر الأول في توتر من هم في الطيارة واولهم انا ... لأني ماتنرفزت من نزول الشناط كثر ماكنت متنرفزة من معاملتها وطريقة كلامها للركاب ... كانت منرفزة بطريقة غير طبيعية مع انها كانت تقول هي المشرفة على الرحلة (( الحمدالله والشكر ))
المهم.. نزلو اشخاص مارضو ا بالوضع ... حنا قلنا نمشيها وش نسوي...
المهم وصلنا بحفظ الله ورعايته ...
بس خلوني اقوللكم شي واحد الشنط قفلناها بالرياض وفتحناها بالرياض استلمناها من مطار اسكندرية وحنا راجعين الرياض ومقطعه بعد...وطالعه منها الملابس ومنظرها يفششل...
في الرجعة كانت الرحلة يوم السبت ( 15 / 12 / 1429ه )الساعة ( 8 الصباح )رحنا المطار ((مطار برج العرب اللي يبعد عن اسكندرية 70 كيلو ))
وحنا هناك علقو ورقة على عامود عند باب المطار يقولون الرحلة تأجلت الى الساعة ( 7.45) بالليل....رجعنا و اجرنا غرفة في فندق الإسكندرية...
بعدها رحنا المطار الساعة (( 5 )) بعد العصر .... وجلسنا في الكافتيريا اللي في المطار والجو كان جدا بارد.....
وبعدها جانا العلم ان الطيارة بتقلع الساعة (( 9.30)) من الرياض .....(( لاتعلييق))
وصلت الطيارة الساعة (( 12 )) وركبنا وحمدنا الله... واقلعت الساعة(( 1.30 )) بعد منتصف الليل...
ووصلنا بحفظ الله ورعايته... وابشركم كانت شناطنا معنا....
في النهاية اترك الحكم لكم .....ودمتم .....