هلابك ( أبو لين )
فندق ( أمبيانا ) من أفضل الفنادق في كوالا ...
ويتميز بموقعه في منطقة البرجين الراقية ...
وتفضل هذا التقرير الرائع لأختنا القديرة ( صوت السهارى )
https://artravelers.com/p/re/270349
وافي

حبيب قلي وافي يععطيك الله الف عافيه ..
هذي عوايدك سباق للخير دائما ..
ماقصرت يا غالي ..
بس كان بالفندق اعمال صيانه .. وما ادري انتهت والا لا ؟

تسلم والله ( أبو لين ) ... ياأغلى الغالين
بصراحة ماعندي فكرة عن أعمال الصيانة هل أنتهت أو لا ...
وبأذن الله راح أسأل لك ... وأرد خبر بأذن الله ...
وافي

الله يعطيك الف عافيه يا غالي ..
كفو يا غالي و بيض الله وجهك .. ماقصرت ..
والله يوفقك دنيا واخره ان شاء الله ...
ولا تعب نفسك اخوي .. ان شاء الله ما يقصرون الشباب ..

يا اخون عملت حجوزات كل الفنادق .. بس اللي محيرني .. اول فندق من الرحله
كنت مخطط بالسكن في تريدرز في منطقة البرجين .. و لقيت سعره عن الطريق الشركه العربيه 520 رنجت مع الافطار والضرايب ..
غرفه ديلوكس عالبرجين .. وعن طريق اقودا وبوكنق .. 510 بدون ضرايب وافطار .. بس حسيته حيلخبط الميزانيه عندي
و لقيت فندق امبيانا وسعره 370 مع الافطار والضرايب .. ومن الشركه العربيه ((دليل ماليزيا)) ب 350 رنقت ..
والحين لقيت فندق Furama Bukit Bintang, Kuala Lumpur بس مو في منطقة البرجين .. وهو جديد كتب عنه اخونا ماجد الفهد عنه تقرير وعجبني سعره 228 رنقت من اقودا من غير ضرايب واعتقد شامل الافطار وغير مسترد ..
ايش رايكم اخذه رغم انه بعيد عن البرجين ... وانا في المحطه النهائيه لبرنامجي اخترت رويال شولان وهو قريب من منطقة البرجين
برامجي:-
3 ليالي كوالا (( لم يتم حجز الفندق ))
5 ليالي لنكاوي فندق موتيارا كابينه سوبيريور على البحر ب 1181.85 رنقت لجميع الليالي والضرائب والافطار
2 سلانقور امباير سعر الليله مع الافطار من غير الضريبه 282 رنقت
4 كوالا رويال شولان غرفه بريمير 1993 ريال سعودي مع الضريبه والافطار ..
ولكم تحياتي

الغالي ( أبو لين )
لو بغيت نصيحتي ... أنصحك بالسكن في ( الفيوراما )
فندق جديد ورائع وأنيق ... والأثاث فخم وحديث ...
وإذا بغيت البرجين أو شارع العرب ... عندك ( قطار المونوريل )
فقط تتجه لمحطة مونوريل ( إمبي ) القريبة من الفندق ... ومنها تتجه لأي مكان بكوالا ...
وتفضل هذا موضوع ( محبك : وافي ) وبأذن الله راح يفيدك كثير في التنقلات في كوالا ...
https://artravelers.com/p/re/534952
وافي

حبيبي وافي الغالي ... اعقلها واتوكل يعني برأيك ... ونسوي حجز غير مسترد ..
لفندق فيوراما بوكت بنتانج ..
ورائع بكل صراحه موضوعك اللي عن المونوريل
بس هل يصل الى سلانقور القطار ..
لاني افكر اكنسل سلانقور واروح لها يوم كامل
ولك تحياتي

هلا بك ( أبو لين )
للأسف يالغالي ... قطار المونوريل ( داخل كوالا ) فقط ...
ولكن إذا بغيت تزور سلانجور من كوالا ... التاكسي أفضل بكثير ...
وافي