و عليكم السلام
انا رحلتي في 28 سبتمر وطبعا اول رحلة لشرم عشان كذا بديت استفسر ويا ليت يفيدوننا اهل الخبرة
بالنسبة لطيران ناس سمعت انها مش بطالة
اما بالنسبة للفنادق فحسب اللي اعرفه ان روتانا افضلها من ناحية السعر والموقع (خاصة انه في خليج نعمة) والجو العام للفندق
والصراحة فيه ناس جزاهم الله خير كاتبين مواضيع هنا تبين اهم البرامج والنشاطات
بالنسبة لمواقع الفنادق اشهرها حسب معرفتي booking وفيه مواقع بالعربي مثل اجازتي وغيرها بس الاسعار تختلف من موقع لاخر مثل ما تختلف في المكاتب السياحية
اهم شي تعلميننا اول ما ترجعون بالسلامة عن افضل الاماكن هناك

لأنو سما سمعت انها قفلت و الخطوط السعوديه حجوزاتها كلها انتظار ..
حابه اعرف في احد سافر قبل كده على طيران ناس ؟؟
هلا بك
سما تقفلت ايه
بالنسبه لناس ماقدر افيدك انا جربت السعوديه والمصرية فقط
شرم سافرت لها على الخطوط المصرية ترانزيت الرياض - قاهرة - شرم
خبري ان الخطوط السعودية ثلوث وجمعه فقط لشرم مدري ان كان فيه جدوله جديده
ثاني شي من خلال تصفحي لقيت انو افضل فنادق شرم الشيخ هي الماريوت ..
انتو ايش رايكم لأنو انا عندي كذا اسم فندق عجبني .. بس ابغى اعرف ايش افضلهم بس اهم شي مطل عالبحر سواء خليج نعمه او غيره ..
اسماء الفنادق : الماريوت - - رينيسانسي - جراند روتانا و اذا عندكم فنادق افضل يا ريت يكتبها .. و السعر مو مشكله
بالنسبه للماريوت هو من الفنادق اللى تقع في خليج نعمه
خليج نعمه هو زبده شرم ويوجد فيها اشهر شارع اللى هو الشيخ عيسى (شانزليزيه العرب)
اذا كنتم حابين القرب بالمنطقه انصحك بالماريوت
بالنسبة ريتز كارلتون يبعد عن منطقه خليج نعمه يعني موقعه هادي على حسب جوكم بالعربي
بالنسبه للماريوت مايفرق الغرفه المطله على البحر لان الغرفه المطله على البحر تطل اولاً على المشايه ثم مطعم الفندق ثم البحر
توضيح المشايه هو طريق بين الفنادق والبحر يودي الى طريق الشيخ عيسى اللى تكلمنا عنه فوق هو زبده شرم
ماريوت - نوفتيل - هليتون - فندق ناسيه - جولي فيل وبعده مفرق لشارع الشيخ عيسى
طبعا كل فندق فاتح مطعم او كوفي قبل البحر
يعني نصيحه انصحك بماريوت وغرفه مطله على المسبح
يبعد ماريوت عن شارع عيسى 5 دقايق مشى
ثاني شي انا مسافره يوم 21 سبتمبر و العوده 28 سبتمبر ايش رايكم اروح 4 ايام شرم و 3 ايام الغردقه و لا اخليها كلها شرم ؟؟
و حابه يكون لي برنامج بالاماكن اللي اروحها يوميا لأني ما ابغى اروح هناك و اتمرمط لأني لا انا و لا زوجي رحناها قبل كده ..
و حابه اعرف اسعار الفنادق في هذه الفترة او اسم موقع اعرف منو الاسعار ..؟
بالنسبه للوقت طبعاً بيكون مهوب موسم يعني الاسعار زينه
انصحك تزورون كذا مكتب سياحي بجدة وتقارنون افضل سعر على سبيل المثال فيه موقع ركسون حدد الفتره وهو يحدد السعر لكم باليوم
فيه هناك مكاتب منتشره بشرم مثلاً اذا سكنتي بماريوت اذا طلعتوا على طريق المشاية بعد فندق النوفتيل يجي مكتب فيه كل رحلات اللى تبونها مائية برية خاصه سهرات بدويه الخ الخ
طبعاً انصحك تاخذي لفه على تقارير الاعضاء وتحددين وش تبون من رحلات وسوي جدوله لها
بالنسبه للغردقة ما قد رحت لها لكن ليش لا طبعاً الغردقة بتكون اهدى من شرم
وممكن تروحوا لها من شرم بلنش لكن تنسيق اللنش وكيذا ماعندي فكره

انا قد رحت ع ناس
وطيران ممتاز مايفرق عن الخطوط السعوديه شي
الا الوجبات بس وعندهم دقه في المواعيد
ومن ناحية الفنادق الماريوت ممتاز
عن تجربه
ونصيحه مني لاتاخذو فندق بعيد عن خليج نعمه ابدا
وفيه تقرير لفندق الماريوت هنا في البوابه تقدر تشوفو ...
والله يسهلك
كل عام وانت بخير
دمت بخير ......

م.نايف مشكوره عالمرور لكن على فكره جراند روتانا مو على خليج نعمه

جراند روتانا مو فخليج نعمه بعيد
ولازم سياره عشان تروح

تحية طيبة :
ارفق لكم برنامج لزيارة شرم الشيخ :
فيوجد لديكم خليج نعمة شاطي جميل جدآ جدآ ، و المشاية القريبة من خليج نعمة ، و يوجد بهذه المشاية مقاهي حلوة و مطاعم ، وجلسات ، وايضا لا يفوتكم الركوب بالقوارب التي اسفلها زجاجي و تستطعون من خلاها مشاهدة قاع البحر و ايضآ تشاهدون الشعب المرجانية و منظرها الجميل ، وايضا الغواصة انصح بالركوب بها ، و الحجز بالقوارب و الغواصة تجدون حول الشاطي كشكات يتم الحجز منها ،، و ايضآ القيام بزيارة السوق القديم ، وايضا زيارة منتزه الف ليلة وليلة بعد الساعة التاسعة مساءا ، و يوجد بالسوق القديم مطعم اسمه ( مطعم المصريين ) و هذا المطعم اكله نظيف وممتاز وخاصه المشويات ، و ايضآ زيارة حديقة السلام الدولية .
وبالسلامة ،
و رحلة موفقة إن شاء الله .
تحياتي ،،،