Don’t Play With
21-08-2022 - 10:01 am
السلام عليكم ورحمه الله وبركاته
ياشباب انا اول مره اروح لمصر وجزم ولله الحمد بعد اسبوع من هاذا اليوم اروح لشرم الشيخ طيراان انا والعيال
يعني بالعربي رحله شبابيه .. ابي مساعدتكم .. بأسعار الطياران دايركت من القصيم لشرم الشيخ
وابي اسعار الفنادق بشرم الشيخ حوالي كم يعني غرفه مرتبه فيها سريرين ؟ وغير كذا
ابي كم يسدنا 5 ايام تمشي بشرم الشيخ وحولها يعني تكاسي وماتكاسي بالاخص ترا حنا 2 فقط
وشكرا
أخوي تبي النصيحة
احجز فندق من هنا
لاتطب هناك وتجلس تفرفر تدور فندق انت وشناطك
ترى بيدبلون عليك السعر إذا ماكان عندك حجز مسبق
او باول المشاية وقف انت وشناطك>>(متاذي من شناطه بالحيل ههه
)
ويجونك شباب يدلونك على اشخاص يأجرون لك شاليهات بقرى سياحية ارخص من الفنادق بكثير
بس لازم تكسي معك تلفونه تدق عليه يجي يشيلك وينزلك باول المشاية ويجي يرجعك
وحنا اخذنا شاليه قريب جداً بقرية ؟؟؟؟ نعمة
احياناً نمشي رجل للمشاية وخاصة بالليل
الطيران امره سهل الخطوط السعودية او ناس دايركت لشرم الشيخ
واهم شيء تروح القرية المائية الاكوا بارك
وتجرب الالعاب المائية بخليج نعمة وتحجز رحلة البحر والغوص
والجو فيه حروره تقول توك بام سدره
بس باليل حول الشاطيء الجو حلو
واول المشاية لايغرك اهم شيء الي داخل
فيه شارع والله نسيت اسمه حق البحرين على ما اعتقد هو الفله
وترى الديره كلها اجانب بأجانب
والتكاسي معي رقم واحد اكه
ولا الباقي الله لايوريك
وبتشوف اولها من المطار يتظربون فيك
الي يقولك 200 والي يقول 100 وآخرتها 60 او 50 ماني متذكر
وكلها 5 دقايق وهو منزلك عند فندق الموفنبيك الي عنده اول المشاية
وصراحة شرم الشيخ يكفيها 3 او 4 ايام بالكثير
وخاصة انه انتم 2 بس
وبالنسبه لكم يسدكم والله مدري انت حسب صرفكم
وما احسها غالية كثير شرم لاكن مهيب رخيصة بعد
وبالتوفيق