أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
أقترح ذكر مميزات ومساوئ السائقين المقترحين في المنتدى والموجودة أسمائهم وأرقامهم فوق ليستفيد كل شخص من خبرة الآخر خاصة أن الواحد يحتاج سائق في فيينا وميونخ
أتمنى أجد تفاعل
السواقين اكبر عيوبهم سعرهم المرتفع خاصه اذا كان من الجنسيه العربيه يعطيكم اسعار فلكيه !!افضل و اوفر حل السواقه بنفسك او التنقل بالقطار واذا مصرين على سايق بيطلع عليكم اغلى
من الخيارين السابقين ،
والله استنزاف واسعار فلكيه على بالهم مايجيهم الى الاثرياء والي مايفكرون في الفلوس.
انا عني :
1- اللغه جدا ضعيفه او بالاصح 5 بالميه تقريبا
2- اول مره اجي النمسا ومعي عائلتي و الوالد والوالده
استأجرت سياره 9 ركاب معايه قارمن وكلها بعدالله ثم تشجيع من الاعضاء في هاذ االمنتدى الرائع وكانت من اجمل سفراتي السواقه جدا سهله واسهل من السواقه عندنا والقارمن جهاز عجيب دخل عناوي(الاحداثيات للاماكن الي تبغاها والى تهمك وبتلقى الاعضاء مسجلينها في المنتدى) الاماكن السياحيه والمدن والمطارات ويوصلك الين المكان المطلوب (طبعا اوضح فايدة القارمن لانه فيه ناس يمكن ماتعرفه وانا ماكنت اعرفه ومستصعب استخدامه قبل مااشتريه)بس طلع مره سهل وممتع وحسيت اني في ديرتي ما اخلي مكان وواثق من كل مشوار اروحه.وايجار سياراتهم ارخص من هنا واجرائاتهم سهله والكيلو مفتووح لاتخلي مكان والديزل صح انه غالي بس انت بتعبي لمدة اسبوعين بقيمه مشوار صغير مع سائق
الخلاصه حتى لو لقيت سواق مع سياره بقيمه ايجار سيارتي افضل القياده بنفسي بغض النظر عن الاستنزااف والاسعار الخياليه .
ان شاءالله اني حمستكم للقياده زي ماحمسوني الاخوان والاعضاء من قبل.بالتوفيق
أتوقع يجي مع بعض السيارات
لكن يمكن طلبه مع السيارة وأحيانا تحجز قارمن ويقولون لك مافي
وأتوق القارمن المدمج بالسيارة لا يدعن اللغة العربيةأفضل لك خذ لك قارمن من بلدك وجربه
Sultan Abu Layan
على حسب طلبك
يعني لما تحجز تجيك خانه أذا بغيت قارمن أو لا
وطبعا عليها زيادة فلوس
أنا أنصحك تاخذ لك قارمن من ديرتك
والله بترتاح معه سواء بسفرتك هاذي أو حتى بمدينتك
أنا الان معي قارمن وعز الله أن فلوسه حلال فيه
كل مارحت أي مدينه بالسعوديه أو الخليج
أدخل الأحداثيات وأروح
وش أقول لك بس
فكني من سؤال الناس عند كل أشاره
أنصحك بشراءه
حتى أذا بغيت مستعمل موجود بمواقع البيع
مثل موقع حراج
او مستعمل
بتشوف ناس يعرضون قارمن للبيع مستعمل
أو أشتري لك جديد من وكيله بالسعوديه (دار موجه)
وبتحصل فروعه بالمملكه كثيره
أكتب في قوقل دار موجه وشف مكانه بديرتك ومر عليه
بصفه عامه كل أجهزة القارمن تتشابه
بس عاد تختلف ببعض الكماليات مثل البلوتوث
بعضها فيه وبعضها لا
وطريقة عرض الشاشه بعضها ثلاثية الأبعاد وبعضها لا
أنا أقول خذ لك أرخص قارمن ومش حالك
فكرة القارمن كلها وحده
دخل أحداثيات وتوكل على الله
وحاول أن يكون القارمن اللي تاخذه فيه خرائط اوربا مجانيه
يعني أقصد فيه خرائط اوربا جاهزه
وأذا ماكان فيه خرائط اوربا
لازم تشتريها منهم
أنا شريتها منهم ب400 ريال
يمكن رخصوها هاللحين
واذا أنت بالشرقيه مايحتاج تشريها
مر علي بالجبيل وأنا أعطيك ذاكرة الخرائط اللي عندي
لأنها تجي على هيئة ميمري كار
الله يوفقك
من الخيارين السابقين ،