عبود الشامي
13-01-2022 - 10:56 am
السلام عليكم
الله يعطيكم الف عافية
اليوم ولأول مرة بحياتي بشوف واحد بدو ينتحر من الطابق االتامن
نزلت على الميدان (مركز طرابزون)ولما كنت ماشي مابلاقي الا سيارات الاسعاف وسيارت الاطفاء ماشية من امامي
فقلت انا بنفسى الله يجيب يلي فيه الخير
بعد مامشيت شوي مابلاقي الا سيارت الاطفاء وسيارات الاسعاف وقفو ونفخو بالون كبير
رفعت نظري الى فوق مابلاقي الا شخص جالس على حافة البناية ومادد رجليه لتحت وهوة عم يشرب دخان (بناء مركز تجاري كبير في طرابزون )
هاد اخونا في الله طالع على الطابق الاخير وبدو ينتحر (الله يجيرنا والله )
سالت انا الصحفيين فقالو انو مرتو (زوجتو)العتو (طردته)من البيت
وبعد ماانتظرنا شي ساعة ماكان ينط او ماكان يوقع حالو ؟؟؟
والعالم يلي واقفة تحت عم تنتظر متى يوقع حالو
نفذ صبرهم فصارو يقولون له :وقع حالك يالله خلصنا بدنا نروح عنا شغل وانا اضحك واضحك
وجبتلكم فيديو وصور حي مباشر بس ماعم اقدر نزل ولاصورة لانو مركز التحميل منزووع
في النهاية نقول
الحمد لله الذي عافانا مم ابتلى كثيرا من خلقه
والله يااجماعة الانسان البعيد عن الله بيجي على بالو كل شي
الله يجيرنا ويجيركم
تسلم عبودي اي تعا على اوزنجول من شان نحكي شي كلمتين على رواق .
ناطرك ها .
الجو هنا ساحر في الليل والبحيرة والهدوء ونقيق الضفادع .